2019-06-22 08:50:55

شه‌فه‌ق نيوز/ دويه‌شه‌و سه‌دان كه‌س له‌ لايه‌نگره‌يل ره‌وت سه‌درى و هاووڵاتيه‌يل مه‌ده‌نى له‌ به‌غداى پايته‌خت ده‌س كردنه‌ خوه‌ينيشانداين له‌بان كاره‌يل هه‌ردوگ ده‌سڵات جيوه‌جيكار و ياسادانان.

 

خوه‌ينيشانده‌ره‌يل له‌و خوه‌ينيشانداينه‌ ناڕه‌زايى له‌بان هه‌ڵكه‌فت خزمه‌تگوزارى و ئه‌منى و ئابوورى و بڵاوبوينه‌وه‌ى بيكارى له‌ناو كۆمه‌ڵگا و گه‌ناته‌كارى دارايى و ئدارى له‌ دام و ده‌زگايه‌يل ده‌وڵه‌ت ده‌رخستن.

 

جى باسه‌، خوه‌ينيشانده‌ره‌يل ئاشكراى پشتگيرى له‌ خوه‌ينيشانده‌ره‌يل تر له‌ باقى پاريزگايه‌يليش كردن وه‌تايبه‌ت له‌ پاريزگاى به‌سره‌و له‌ هه‌مان وه‌خت ره‌خنه‌ له‌ په‌رله‌مان و ته‌واونه‌كردن كابينه‌ حكوميه‌گه‌و دامه‌زرانن وه‌زيره‌يل ئه‌منى له‌تى گردن.

YesIraq
}