2019-11-18 08:20:35

شه‌فه‌ق نيوز/ سه‌رچه‌وه‌يگ وه‌رپرس ئه‌منى وت: خوه‌ينيشانده‌ره‌يل ريه‌يليگ وه‌ره‌و په‌نج سه‌رچه‌وه‌ى نه‌فتى و دو به‌نده‌ر له‌ پاريزگاى به‌سره‌ له‌ پايين باشوور عراق بڕينه‌ له‌ڕێ سزانن تايه‌ره‌يل كويه‌ن سه‌ياره‌وه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: ده‌مه‌و شه‌وه‌كى ئمڕوو خوه‌ينيشانده‌ره‌يل ريه‌يليگ وه‌ره‌و شوون و سه‌رچه‌وه‌يليگ نه‌فتى له‌ قه‌زاى زوبێر له‌ خوه‌رئاواى به‌سره‌ بڕينه‌.

 

سه‌رچه‌وه‌گه‌ وت: ئه‌و ريه‌يله‌ ك بڕيانه‌ له‌ زوبێر پيكهاتنه‌ له‌ رێ نه‌فتپاڵوو شوعێبه‌، رێ شار به‌رجسيه‌، رێ وه‌ره‌و ناوچه‌ى رومێله‌، رێ وه‌ره‌و چاڵ 20 نه‌فتى.

 

سه‌رچه‌وه‌گه‌ باس له‌وه‌يش كرد خوه‌ينيشانده‌ره‌يل له‌ ناوچه‌ى خۆر زوبێر گشت ريه‌يليگ وه‌ره‌و كارخانه‌ى ئاسن و په‌يين و چه‌مه‌نتوو و هه‌ردوگ به‌نده‌ر خۆر زوبێر و ئوم قه‌سريش بڕينه‌.

FaceIraq
}