2019-12-08 18:36:19

شه‌فه‌ق نيوز/ باڵيۆزخانه‌يل بريتانى و فره‌نسى و ئه‌ڵمانى له‌ به‌غداى پايته‌خت، داواى دويره‌وخستن فه‌سيله‌يل حه‌شد شه‌عبى ئه‌كه‌ن له‌ شوون خوه‌ينيشانداينه‌يل له‌ عراق.

 

باڵێۆزه‌يل ئه‌و ده‌وڵه‌ته‌يل ناوبرياگه‌ له‌ به‌غدا چه‌ويان كه‌فته‌ عادل عه‌بدولمه‌هدى سه‌رۆك وه‌زيره‌يل كاروه‌ڕيه‌وبه‌ر عراقى و له‌ به‌ياننامه‌يگ هاوبه‌ش كوشتن خوه‌ينيشانده‌ره‌يل ئاشتيخواز عراقى ئدانه‌ كردن.

 

ئه‌و باڵيۆزه‌يله‌ داوايش له‌ سه‌رۆك وه‌زيره‌يل عراقى كردن وه‌ ئه‌وه‌گ سه‌ركرده‌ى گشتى هيزه‌يل چه‌كداره‌ تاوه‌ختيگ سه‌رۆك وه‌زيره‌يل تازه‌ پۆسته‌گه‌ێ وه‌رئه‌گرێد، پاسه‌وانيكردن خوه‌ينيشانده‌ره‌يل زه‌مانه‌ت بكاو په‌يجوورى خواست و هه‌ڵه‌په‌ڵه‌يگ ئه‌نجام بيه‌ێد و پرس و پرسكارى وه‌ل گشت ئه‌و وه‌رپرسه‌يله‌ بكا ك وه‌رپرسن له‌بان كوشتن خوه‌ينيشانده‌ره‌يل.

}