2016-10-03 10:42:35

ئەلان دی وەختە میگەیل بانە جا

یەێ هەو هەڵساد بڵێزەێ ئاگر

وە ورمەێ وتم دنیا بی ئاخر

وە جا هەڵپەڕێ میمی سەکینە

چنگی دا دەمچەو،مشتێ دا سێنە

چی وە دەرەسار وت هەێ روو خودا

کوسم بکەفێ سەرتپە کوتا

چە دسڵاتمە،خودا چە بکم؟

هەم چینە کورە کازم و کەرەم

لانە گوڕێزی تا کەێ چۊ  مامر

وە دەس بەمەگەێ سەردام کافر

عەلیخان خوڕی لە ناو حەسار

زۊ کە ژنەگە،ئەو پەڕانە بار

ژن دەوی وە ماڵ پەڕانێ هاورد

مشتێ شەنگ وە ناو کیسەێ دەراورد

وە هەڵەپەڵە دادەێ عەلیخان

عەلی خان فەوری چی وە باڵەبان

وەرەو ئاسمان هەم نیشانە گرد

چەو خەفان ئەڕاێ،دو سێ تەقە کرد

ئمجا وەت:ژنگە کاڕێ تەمامە

دۊدێ هەڵساد،ئاگرێ دامە

دەس کیشا وە کارو وە بان هاتە خوار

تفەنگ دادە ژن،نیشتە دەر حەسار

ورمەێ دۊێم لە بان خانێ

یەکێ وت،ئەها دادێ چنانی

دوجارە دەرات قیژەێ پیرەژن

هەڵس پێاگا،شەنگێ بتەقن

ڕشیانە کۊچە،دە هزار نەفەر

یەێ بڕ دا سێنە یەێ بڕ دانە سەر

مەردم داڕشیان جور پەنجەێ دەس

وەێرە بو معلوم نەجیب و ناکەس

یەێ عدە ئەڕاێ لەش دەراوردن

عدەێگیش ئەڕاێ غەنیمەت بردن

زد هەوایی وەختێ کەفتە کار

دەرەیل قوقانەو مەوج ئنفجار

ئاژیر ڤرمز وەختێ دا خەوەر

وە سێ چوار دکان نەمەنەۊ ئەسەر

دو ماڵ ئەولاتر ک ساڵم‌تر بی

خانێ خراوەێ ڕمیایەو زەمین

وتن یە جاگەێ سارو گەرتیە

وی دنێاێ فانیە بێ کەفەن چیە

ساعەتێ لە ئو حادسە گوزیشت

لە ناو خاک و خوەڵ سارو هاتە دەیشت

نە حاڵێ گەن بی،نە دیمەن خۊنێ

باێەمجان بەم کەێ ئافەت دۊنێ

ئەو کۊچە یەێ هەو بی وە جەلەسە

خەبەرنگارەیل گردنێ قسە

وتن برادەر چۊ پەنا گردی

چۊ لەی حادسە گیان وە دەر بردی

وت وڵم بکەن بچمە ڕێەو

درو دەلەسە م سەرم نیەو

وە ئەرواێ باوگم،گیان ئابرام

ئی کناراوە بیە باوگ ئەڕام

ئیره‌ج قوبادی

FaceIraq
}