2018-07-21 09:34:00

جور گیا مه‌ی عشق پاك وساده كَم

دَس وه هر كاریگ ئَرای ئی چشته دَم

كیوچه‌گانِ هوز راسی دیونِمَو

مالگانِ پِر له ماسی دیونِمَو

مال مِن هاله نزیكای خدا

ێی دو كیوچه مَنێسه لای خدا

بیلنَم تا گَر دلم دَم وا بكَی

یا بتوقی چیو كیه‌نی یا ها بكَی

مِن وه چَو خوه‌م دیمه ێگر گردمه

من وه چَو خوه‌م دیمه گیان دَر كردمه

وه‌و بلوزه‌یل خوه‌مه مَس كردمه

روح خوه‌م تا ێسمانه‌یل بردمه

مِن وه ێگر نَی ژَنِم باور بكَن

گَرد ێگر هَی خوه‌نم باور بكن

من تَمیوره‌م خوه‌ی ژَنیدو و خوه‌ی خوه‌نی

مِن تَمیوره‌م خوه‌ی خوه‌نیدو خوه‌ی ژَنی

دون من ئی ێگره یلِ سرده‌سه

سور من ئی جفت شش ناو نرده سه

دون من ها سیوك راس ێسمان

ها جییه‌یل خاس خاس ێسمان

من ۆلِ هر پَلوه‌چیگا هال كَم

من ئرای هر چی هساره‌س مال كَم

بیلنم تا گر دَمم دل وا بكی

یا بتوقی جور كیه‌نی یا ها بكی

من الان هم هامه زیو هم ێسمان

من الان هم هامه خوار هم هامه بان

من تماشای زه­یو بكَه­م هلپركه كَه­ی

پر له سازم پر له تارم پر له نَی

من تماشای چَم بكم هَلگیژیه‌ی

پر له هایم پر له هویم پر له هه­ی

من تماشای خُوه‌ر بكم هَلتیوچیه‌ی

پر له شورم پر له له جامم پر له مه­ی

من تمام ێسمان ها له دَسم

من وه ێی نورستن كالیگ مَسِم

كیوچگان هوز راسی هاینه كو

حوچگان پر له ماسی هاینه كو

جور گیا وه شون عشق ساده بیم

جور گیا كیوچه وه كیوچه بیوده جیم

ره‌زا جه‌مشيدى

FaceIraq
}