2014-01-25 13:20:19

 

سه‌ر تا وه به‌رگش سیا زخاڵ دیم

سه‌ر قوله‌ێ کاوان وه سیا ته‌م دیم

دره‌ختان ژه خه‌م چو چه‌وگان چه‌م دیم

داران دره‌ختان که‌لاغی پووش دیم

که‌پوو وه‌و شین گاڵ گه‌رمه‌وه

چمان مرده‌ێ داشت وه رو ته‌رمه‌وه

من و باوه یال عه‌هدمان که‌رده‌ن

من خه‌م و ئه‌و ته‌م تا رووژ مه‌رده‌ن

رووله یه ئاسار شکارگاهته‌ن

یه جاگه‌ێ که لره‌م شوون راهته‌ن

ئه‌را چو جاران دیارت نیه‌ن

مه‌ر گڵکوو وه بان مه‌زارت بیه‌ن

گڵ وه بانم که‌ن گڵ وه بانت دیم

ئێ دنیا وه کام دژمنانت دیم

که‌ڵێ ژه که‌ڵان مه‌خواس مزگانی

ئه‌حمه‌د خان مه‌رده‌ن وه نه‌و جه‌وانی

بی تو چو ماهی ئوفتاده‌ێ خاکم  

به‌رگم پلاسه ن جامه چاکچاکم

رووله ژه هجرت ئه فسورده گیانم

جز روو روو گوویا نیه‌ن زوانم

مقراز مه‌رگت تیژ بالم که‌نه‌ن

شوور و شه‌وق و زه‌وق زنگانیم سه‌نه‌ن

شه‌و خاوم شه‌ریک تاف تێژاوه‌ن

یا حوباب نه رو گیژه گرداوه‌ن

شه‌و تار و رووژ تار هه‌ردگ تار وه من

دل چو تافه‌ێ ئاو بی قه رار وه من

چو سه‌ید زه‌ده‌ێ تیر گرفتار وه من

چو وێ نه رو ئاو له‌رزان کار وه من

کراس چاکچاکی یه‌خه دریامه

چو سه‌ید زه‌خمی ژه گه‌ل بریامه

فه‌داێ گاڵاگاڵ راوچیانت بام

شه‌ل و په‌ل که‌فته‌ێ ئاهوانت بام

فه‌داێ مه‌که‌نزی ئاته‌شبارت با

به‌زم بی هه‌ماڵ رووژ شکارت بام

مه‌که‌نزیت ساخته‌ێ ده‌س حه‌سه‌ن بو

چه و ماخ نورعه‌لی که ریم په‌سه‌ن بو

هاناێ هامدڵان زامم کاریه‌ن

ئه لئه مان ده ردم نادیاریه‌ن

زامم کاریه‌ن کار چیه ن ژه ده‌س

میناێ شکه‌سته‌م نمه‌یوو په یوه‌س

شه‌و وه په‌ژاره رووژ وه هوولمه‌ن

چو سه‌ره ێ ئاسیا و دوما دوولمه‌ن

هه‌ر چگه مه‌یه‌م دلاله‌ت وه دل

ده‌ێ دڵاڵه ته هوچ نیه که‌م حاسل

هه‌ر چگه مه‌یه‌م هور وه فامه‌وه

نیشته جا نیه‌ن دل وه لامه‌وه

خیاڵ په رگه نه ێ دل ته ر ف تونم

چو فه رهاێ شه هید پاێ بیستونم

خیاڵان سه‌نه‌ن ژه دیده‌م خاوا

شه‌وان گووش مه‌ێه‌م وه تافه‌ێ ئاوان

خه‌م و خوسه‌گه‌ت بو وه په‌ژاره م

بو وه ئیش سه‌خت که‌فت نه گلاره م

عاجز وینه ێ مرخ شکه‌سته باڵم

مه‌لان کوان مه‌لوول ژه حاڵم

فه‌ڵه‌ک وه فیکه‌ێ پاپیام که‌رده‌ن

شه‌و گارم شوومه‌ن نازارم مه‌رده‌ن

خه‌م خوراکمه‌ن خه‌م خلاتمه‌ن

یه ئاخر سڵات رووژه نه‌هاتمه‌ن

بێان بنوورن وه‌ی زاریمه‌وه

وه‌ی کووس که‌فته‌ێ دیاریمه‌وه

وینه ێ سه ر سه وز کلاوه که‌نه

په‌رپووم ژه ده‌ور گووڵاوان مه‌نه

دوه‌د ده‌رونم کوان ته‌م که‌رده‌ن

دلم خاپوره‌ن شادیم ره‌م که‌رده ن

ئالووده ی ده‌ردم شکه‌سته‌باڵم

مدام په‌شێوم دایم حاڵحاڵم

شه‌رت بوو بپووشم جامه‌ێ قه‌ترانی

چو مه‌جنوون بنه‌م سه‌ر نه ویرانی

شه‌رت بوو خوراکم وه له‌خته‌ێ خون که‌م

وه ناخون سینه م چو بیستون که‌م

شه‌رت بوو ئه‌ندامم پلاس نشان که‌م

شه‌و تا سوو قووقوێ باێه‌قوشان که‌م

تا رووژ مه‌رده ن سیا به‌رگم بوو

ئی به‌رگه کفن رووژ مه‌رگم بوو

ئه‌و رووژه مووران سه‌رکه‌ن وه گیانم

نه‌مینێ ژه گووشت غه‌ێر له سخانم

بنوورن خه‌ڵقان روخسارم زه‌رده‌ن

تا باچان غوڵام ئه‌حمه‌دش مه‌رده‌ن

چاوم که‌فت ئه‌و زید مینگه‌ێ هه‌ر جاران

زید هه‌ر ئه‌و زێده‌ن لیش نیه‌ن یاران

ده‌نگ دووس نیه‌ن مرخ دل مه‌رده‌ن

زنگانیم بیه‌ن وه بارگه‌رده‌ن

بیلا بتکێ زوخ ژه چاوانم

تا بووه‌گه ره‌نگ وه‌س یه‌قه‌و دامانم

بیلا مبرم هه ر وه ێ ده رده وه

وه‌ی ده‌رد گران وه‌رمه‌گه‌رده‌وه

بیلا بمرم هه‌ر وه‌ێ ده‌رده‌وه

سه‌ر بنه‌م ئه‌و بان سان سه‌رده‌وه

بیلا بمرم هه‌ر وه‌ێ داخه‌وه

شه‌وان تیه‌ریک بێ چراخه‌وه

بیلا بمرم وه‌نم بچوو زوور

زه‌ره ێ خاک بیل زه‌ینم بکه‌ێ کوور

بیلا بمرم بیاوان بوو جیم

هامده‌مان بیان نه‌زانن من کیم

بیلا بمرم رازیم وه مه‌رده‌ن

مه‌رده‌ن بیتره ژه زوخاو خوه‌رده‌ن

بیلا قه‌وره گه م نه رێ خیڵان بوو

نه‌رێ نازاران که ژ وه پیڵان بوو

بیلا قه‌وره‌گه‌م ژه قه‌وره‌یل دور بوو

نزیک وه نه‌جه‌ف داخڵ وه نور بوو

عزرایل وه قه‌رار گیانم شرینه‌ن

وه جاگه‌ێ مه‌چم که‌س که‌س مه‌وینه‌ن

سراش تاریکه‌ن گوزه‌رگاش ته‌نگه‌ن

نه یار نه دیار نه شنه‌ێ ده‌نگه‌ن

* س: به‌ڕوی

FaceIraq
}