2019-10-12 09:15:17

ئێ ئاو ڕووشنە

لە مانگ ت پڕە

م مات ت دووم

زووان م بڕە

 

کوچگ نەگر وە دەس

ئێ ئاوە ها لە خاو

مانگد نەنە خەڕگ

بەڕگ نێە لە ئاو

 

نەکە! ت لێخن-

شراو خوەد نەکە

کوچگ بخە زەۆا

خراو خوەد نەکە

 

مەسم بکە لە خوەد

ئەڕا چە مەس نیید؟

ت هە هن خوەمی

ت مانگ کەس نیید

 

دنیا وە کول ڕەنگەو

لە چاو م سیە

م هە ت دۆنم وو

وێنەێ ت دی نیە

 

پێشتەو بێە لە شاو

ڕۆد بخە لە ئاو

ئێ شاوە ها لە تەو

ئێ ئاوە ها لە تاو

 

ڕوژەو لەمەو نەکە

هەێ ڕوشناێ شەوار

مانگد لەمەو نەسین

شاود لەمەو نەشار

سومەیە مێهری

FaceIraq
}