هــــه‌واڵ عــیراق
توركيا هه‌ڵويست خوه‌ێ له‌ دانيشتن وگفتووه‌يل ناونى هه‌ولێر و به‌غدا ئاشكرا كرد

توركيا هه‌ڵويست خوه‌ێ له‌ دانيشتن وگفتووه‌يل ناونى هه‌ولێر و به‌غدا ئاشكرا كرد


شه‌فه‌ق نيوز/ مه‌ولود جاويش ئۆغلۆ وه‌زير خارجيه‌ێ توركى، باس له‌وه‌ كرد ك وڵاته‌گه‌ێ پشتگيرى دانيشتن و گفتگووه‌يل وه‌رده‌وام ئه‌كا ئه‌را چاره‌سه‌ر كيشه‌و ناكووكيه‌يل ناونى هه‌ولێر و به‌غدا.

 

ئۆغلۆ له‌ وته‌يگێ له‌ ڕێ وڕه‌سميگ له‌ توركيا، وت: ئه‌نقه‌ره‌ دژ كورده‌يل نيه‌ له‌ عراق و پشتگيرى گفتگووه‌يل ناونى هه‌رێم كوردستان و حكومه‌ت ناوه‌ندێ ئه‌كا.

 

جى باسه‌، ئاماژه‌ وه‌ يه‌يش ئه‌كريه‌ێد ك هه‌ولێر و به‌غدا ليژنه‌ێ هاوبه‌ش دامه‌زراننه‌ ئه‌را چاره‌سه‌ر كيشه‌يل ناونيان و ديارترينيان ئداره‌كردن ده‌روازه‌يل و دابينكردن مووچه‌ێ كارمه‌نده‌يل له‌ كوردستان ك له‌ دوياى بڕين بودجه‌ێ ناوه‌ندى له‌ هه‌رێم له‌ساڵ 2014ه‌وه‌ وسياگه‌.