هــــه‌واڵ جیــهانى
ئه‌مريكا وه‌ 15 خوله‌ك تويه‌نێد كۆرياێ باكوور له‌ناو بووه‌ێد

ئه‌مريكا وه‌ 15 خوله‌ك تويه‌نێد كۆرياێ باكوور له‌ناو بووه‌ێد


شه‌فه‌ق نيوز/ سه‌ربازيگ خانه‌نشين ئه‌مريكى وه‌ پله‌ێ فه‌ريق، باس له‌وه‌ كرد ك سوپاێ وڵاته‌گه‌ێ ئه‌تويه‌نێد له‌ ماوه‌ێ 15 خوله‌ك كۆرياێ باكوور وه‌ل زه‌ويه‌و ته‌خت بكا له‌ حاڵه‌تيگ ئه‌گه‌ر بيونغ يانغ په‌لامار ئه‌تۆمێ دژ وڵاته‌يل يه‌كگرتگ بارێده‌ كار.

 

تۆم مارك ئينرنى پيشنيار دامه‌زرانن ليژنه‌يگ ناوده‌وڵه‌تى جوور ناتۆ ئه‌كا ئه‌را مامڵه‌كردن وه‌ كرده‌وه‌يل خه‌ته‌رناك و وت: ئى ليژنه‌ ئه‌تويه‌نێد وڵاته‌يل يه‌كگرتگ و كۆرياێ باشوور و يابان و ئوستراليا و نيوزله‌ندا و فلپين و تايله‌ند بگرێده‌ خوه‌ێ و تواناێ ئه‌وه‌يش ديرێد فراوانبوين چينيش له‌ ناوچه‌ێ ئاسيايش مه‌رزدار بكا نه‌ك هه‌ر كۆرياێ باكوور.

 

جى باسه‌، مووشه‌كه‌يل باليستى ئه‌مريكى له‌ هه‌ر وه‌ختيگ تواناێ وه‌شانن ديرێد و قودره‌ت هه‌ڵگرتن قومبه‌ڵه‌يل ئه‌تۆمييش ديرن و نزيكترين خاڵ ئه‌تۆمى ئه‌مريكى له‌ كۆرياێ باكووره‌و ئه‌كه‌فێده‌ دويرگه‌ێ غه‌وام له‌ ئوقيانۆس ئارام.