هــــه‌واڵ كــوردى
پێشمه‌رگه‌ له‌باره‌ێ ئاڵشتكارێ پۆسته‌يل باڵا ئاشكراكردنيگ دا

پێشمه‌رگه‌ له‌باره‌ێ ئاڵشتكارێ پۆسته‌يل باڵا ئاشكراكردنيگ دا


شه‌فه‌ق نيوز/ وزاره‌ت پێشمه‌رگه‌ه‌ له‌ حكومه‌ت هه‌رێم كوردستان، ئاشكراكردنيگ دا له‌باره‌ێ ئه‌و هه‌واڵه‌يله‌ ك باس له‌ ئه‌نجامداين ئالشتكارى كرديان له‌ پۆسته‌يل باڵا له‌ وزاره‌ته‌گه‌.

 

له‌ى باوه‌ته‌و، جه‌بار ياوه‌ر ئه‌ميندار گشتى وزاره‌ت پێشمه‌رگ له‌ لێدوانيگ رووژنامه‌گه‌رى وت: ئه‌و هه‌واڵه‌يله‌ ك باس له‌ ئاڵشتكارى له‌ پۆسته‌يل باڵا له‌ وزاره‌ته‌گه‌ كردنه‌ دويرن له‌ڕاسى و هويچ بنه‌مايگ نه‌يرێد.

 

جى باسه‌، ياوه‌ر هه‌ميش وت: وزاره‌ت پێشمه‌رگه‌ كه‌ناڵه‌يل فه‌رمى ديرێد ئه‌را جيوازكردن روێداگ و چالاكيه‌يل ئه‌را راێ گشتى و له‌وانه‌يش له‌باره‌ێ ئه‌نجامداين هه‌ر ئاڵشتكارييگ له‌ پۆسته‌يل وزاره‌ته‌گه‌.