هــــه‌واڵ عــیراق
ئيران 14 ئه‌يه‌رێده‌ ده‌روازه‌يگ مه‌رزێ وه‌ل عراق

ئيران 14 ئه‌يه‌رێده‌ ده‌روازه‌يگ مه‌رزێ وه‌ل عراق


شه‌فه‌ق نيوز/ پۆليس ئيرانى ئاشكراى ئه‌وه‌ كرد ك وه‌ نيازه‌ 14 كه‌تيبه‌ جيگير بكا له‌ ده‌روازه‌ێ مه‌رزێ مهران وه‌ل عراق له‌وه‌ر خاتر ته‌ئمينكردن و ئاسانكردن جيوازكردن زياره‌تچيه‌يل له‌ وه‌خت مه‌راسيم زياره‌ت چله‌ێ ئيمام حسێن سڵام خودا له‌لى و باس له‌وه‌يش كرد ك ڕى وه‌ هويچ زياره‌تچييگيش نادريه‌ێد وه‌بى پاسه‌پۆرت بچێده‌ ناو خاكه‌يل عراقى.

 

له‌ى باوه‌ته‌و، ئاژانس فارس له‌ زووان حه‌بيبوڵلا جان نسارى ده‌سميه‌تده‌ر سه‌ركرده‌ێ يه‌كه‌يل تايبه‌ت هيزه‌يل پۆليس وت: 14 كه‌تيبه‌ له‌ ده‌روازه‌ێ مه‌زرێ مهران دانريه‌ن ئه‌را بته‌وێ ئاسايش و ئاسانه‌وكردن مه‌سه‌له‌ێ جيوازكردن زياره‌تچيه‌يل له‌ وه‌خت زياره‌ت چله‌.

 

جى باسه‌، جان نسارى هه‌ميش وت: ئه‌رك سه‌ره‌كى يه‌كه‌يل تايبه‌ت له‌ زياره‌ت چله‌ێ ئيمام حسێن له‌وه‌ر ئارامى و بته‌وكردن ئاسايش و رێ نه‌داينه‌ وه‌ هه‌ر زياره‌تچييگ وه‌بى پاسه‌پۆرت نياز چگن ديرێد ئه‌را ناو خاكه‌يل عراقى.