هــــه‌واڵ كــوردى
ئه‌بولغه‌يز له‌وه‌ر تاوتوێكردن راپرسێ سه‌ردان هه‌رێم كوردستان ئه‌كا

ئه‌بولغه‌يز له‌وه‌ر تاوتوێكردن راپرسێ سه‌ردان هه‌رێم كوردستان ئه‌كا


شه‌فه‌ق نيوز/ رووژنامه‌ى شه‌رقولئه‌وسه‌ت له‌نده‌نى ئاشكراى ئه‌وه‌ كرد ك ئه‌حمه‌د ئه‌بولغه‌يز ئه‌ميندار گشتى كۆمكار ده‌وڵه‌ته‌يل عه‌ره‌بى خوازياره‌ وه‌ى نزيكه‌يله‌ سه‌ردان هه‌ولێر بكا له‌وه‌ر تاوتوێكردن راپرسێ ك بڕياره‌ له‌ 25 ئى مانگه‌ ئه‌نجام بگرێد له‌ هه‌رێم كوردستان عراق.

 

رووژنامه‌گه‌ له‌ شماره‌ێ ئمڕووێ له‌ زووان سه‌رچه‌وه‌يل دبلۆماسێ عه‌ره‌بى ئه‌وه‌ ده‌رخست ك جموجويل ئه‌ميندار گشتى كۆمكار عه‌ره‌بى ئه‌چێده‌ چوارچيوه‌ێ ئه‌وله‌ويه‌ت خواستيگ ك هه‌وه‌جه‌ وه‌ گشت هه‌وڵيگ ديرێد وه‌ل وه‌كارهاوردن گشت ده‌رفه‌ته‌يليگ وه‌خاتر هانداين و بته‌وكردن ده‌رفه‌ته‌يل گفتگوو له‌ناونى به‌غدا و هه‌ولێر.

 

جى باسه‌، ئه‌و سه‌رچه‌وه‌يله‌ باس له‌وه‌يش كردن ك ديدار چه‌وه‌ڕيكرياگ ئه‌بولغه‌يز وه‌ل مه‌سعود بارزانى سه‌رۆك هه‌رێم كوردستان باسه‌يل ئاشكرايگ له‌ باره‌ێ راپرسێ ئه‌گرێده‌ خوه‌ێ وه‌ل چه‌وديرێ ئاڵشت وئوڵشت ئه‌و په‌يامه‌يله‌ ك زويتر وه‌رجه‌ نزيكه‌ى مانگيگ ئه‌بولغه‌يز ده‌سپيشخه‌ريى كرد له‌ مه‌سه‌له‌گه‌.