هــــه‌واڵ عــیراق
پۆليسيگ هاتوچوو له‌ئاكام گه‌رمى له‌ به‌سره‌ گيان له‌ده‌سدا

پۆليسيگ هاتوچوو له‌ئاكام گه‌رمى له‌ به‌سره‌ گيان له‌ده‌سدا


شه‌فه‌ق نيوز/ سه‌رچه‌وه‌يليگ ئاگادار له‌ به‌سره‌ ئه‌وه‌ ده‌رخستن ك شه‌پۆل گه‌رمى بويه‌سه‌ هووكار مردن پۆليسيگ هاتوچوو له‌وه‌خت ئه‌نجامداين كاره‌گه‌ێ و ئاماژه‌ وه‌ كوشيان دو برايش كرد له‌ هه‌مان پاريزگا له‌ باشوور عراق.

 

ئه‌و سه‌رچه‌وه‌يله‌ له‌ لێدوانه‌يليگ ئه‌را(شه‌فه‌ق نيوز)وتن: محه‌مه‌د موسلم شه‌رهان ك مفه‌وه‌ز هاتوچووه‌ له‌وه‌خت ئه‌نجامداين ئه‌ركه‌گه‌ێ له‌ دوڕيان فه‌راهيدى له‌ كه‌رت هاتوچوو ئه‌لعه‌شار وه‌ بوونه‌ێ گه‌رماى فريه‌ گيان له‌ده‌سداگه‌ ك فيشتر له‌ 50 پله‌ێ سه‌دێ بويه‌.

 

جى باسه‌، هه‌مان سه‌رچه‌وه‌يل ئاماژه‌ وه‌يه‌يش كردن ك شه‌رهان وه‌رجه‌ جيوازكردنى ئه‌را نه‌خوه‌شخانه‌ێ ته‌عليمى به‌سره‌ گيان له‌ده‌سداگه‌.