هــــه‌واڵ كــوردى
تاڵه‌بانى: وه‌ يه‌ك ليست به‌شدارى هه‌ڵوژاردنه‌يل عراقى ئه‌كه‌يم

تاڵه‌بانى: وه‌ يه‌ك ليست به‌شدارى هه‌ڵوژاردنه‌يل عراقى ئه‌كه‌يم


شه‌فه‌ق نيوز/ بێگه‌رد تاڵه‌بانى سكرتێر په‌رله‌مان هه‌رێم كوردستان، به‌شداريكردن حزب و هيزه‌يل كاراێ سياسى له‌ مه‌يدان كوردستانى له‌ هه‌ڵوژاردنه‌يل ته‌شريعى عراقى ك بڕياره‌ له‌ مانگ ئايار ئاينده‌ ئه‌نجام بگريد وه‌ يه‌ك ليست وه‌خاسترين ڕييگ تاريف كرد له‌وه‌ر مقه‌يه‌تى له‌ مافه‌يل ملله‌ت كوردستان و ده‌سكه‌فته‌يلێ.

 

تاڵه‌بانى له‌ وته‌يگى له‌ سيميناريگ ك له‌باره‌ى رۆڵ ئافره‌ت ساز كريا له‌بان ئاست سياسى له‌ هه‌ولێر، وت: هه‌رێم كوردستان ها وه‌رده‌م هه‌ڵوژاردنه‌يل گرينگ و نازگ و مه‌فسه‌ڵێ و يه‌يش ده‌رخست ك هه‌ڵوژاردنه‌يل ته‌شريعى عراقييش ئه‌خاده‌مانه‌ وه‌رده‌م وه‌رپرسيارێتييگ مێژوويى وه‌ ئه‌وه‌ك وه‌ يه‌ك ليست به‌شدارى له‌تى بكه‌يم له‌وه‌ر جيوه‌جيكردن داواكاريه‌يل ده‌ستوورى ملله‌ت كوردستان.

 

جى باسه‌، تاڵه‌بانى هه‌ميش وت: گشتى ركابه‌ره‌يل كورد و كوردستان چ ئه‌وانه‌گ خاوه‌ن فكر ئايينيين يا نه‌ته‌وه‌يى گشت توانايگيان خستنه‌سه‌ كار وه‌خاتر له‌ده‌سداين ده‌سكه‌فته‌يلمان و هه‌ر وه‌و خاتريشه‌ بايه‌سه‌ وه‌يه‌ك ليست به‌شدارى بكه‌يم.