هــــه‌واڵ كــوردى
ديموكرات كوردستان سوريا بۆردمانه‌گه‌ى ئيران ئدانه‌ كرد

ديموكرات كوردستان سوريا بۆردمانه‌گه‌ى ئيران ئدانه‌ كرد


شه‌فه‌ق نيوز/ حزب ديموكرات كوردستان سوريا، ئه‌و بۆردومان ئيرانه‌ ئدانه‌ كرد ك باره‌گايه‌يل حزب ديموكرات كوردستان – ئيران(حدكا) و حزب ديموكرات كوردستان – ئيران (حدك) له‌ قه‌زاى كۆيسنجه‌ق له‌پاريزگاى هه‌ولێر گرته‌ ئامانج.

 

له‌ى باوه‌ته‌و، نويسينگه‌ى ره‌سانن حزب ديموكرات كوردستان سوورى له‌ به‌ياننامه‌يگ ئه‌و تاوان دڕندانه‌ ئدانه‌ كرد ك له‌لايه‌ن رژيم ئيرانه‌و له‌ ده‌مه‌و شه‌وه‌كى رووژ 8-9-2018 ئه‌را بان باره‌گايه‌يل حزب ديموكرات كوردستان – ئيران(حدكا) و حزب ديموكرات كوردستان – ئيران (حدك).

 

به‌ياننامه‌گه‌ هه‌ميش وت: سه‌عيد عومه‌ر ئه‌ندام ليژنه‌ى ناوه‌ندى و وه‌رپرس نويسينگه‌ى په‌يوه‌نديه‌يل نيشتمانى حزب ديموكرات كوردستان – سوريا له‌ كوردستان، له‌ڕێ په‌يوه‌ندى ته‌له‌فۆنى وه‌ل محه‌مه‌د ساڵح قادرى وه‌رپرس نويسينگه‌ى په‌يوه‌نديه‌يل نيشتمانى حزب ديموكرات كوردستان – ئيران ئدانه‌ى ئه‌و بۆردومانه‌ كردگه‌ ك وه‌لاى كه‌مه‌و 16 كه‌س له‌تى كوشياو 40 كه‌سيش زه‌خمدار بوين.