هــــه‌واڵ عــیراق
تيميگ حكومى په‌يجورى له‌ ژه‌هراوێ كووچبه‌ره‌يل موسڵ ئه‌كا

تيميگ حكومى په‌يجورى له‌ ژه‌هراوێ كووچبه‌ره‌يل موسڵ ئه‌كا


شه‌فه‌ق نيوز/ تيميگ له‌ وزاره‌ت ته‌ندروسى عراقى ره‌سيه‌ كه‌مپ كووچبه‌ره‌يل ئه‌لخازر له‌ خوه‌رهه‌ڵات شار موسڵ ئه‌را په‌يجوريكردن له‌ حاڵه‌ته‌يل ژه‌هراوێ خوه‌راكى ك هاته‌سه‌ تويش كووچبه‌ره‌يل.

 

ده‌سڵاته‌يل عراق باس له‌وه‌ كردن ك ئه‌و حاڵه‌ته‌يل ژه‌هراويه‌ بويه‌سه‌‌ هووكار مردن ژن و مناڵيگ و تويشهان سه‌دان كووچبه‌ر تر و هه‌ر وه‌و خاتريشه‌ شماره‌يگ فريه‌يگ له‌ كووچبه‌ره‌يل له‌وه‌ر چاره‌سه‌ر جيواز كريان ئه‌را نه‌خوه‌شخانه‌يل له‌ شار هه‌ولێر.

 

جى باسه‌، له‌لايه‌ن خوه‌ييشه‌و، ريكخرياگ جه‌هانى ئه‌را مافه‌يل ئاده‌ميزاد ك يه‌كيگه‌ له‌ريكخرياگه‌يل عراقى تومه‌تبار ته‌مويلكار له‌ قه‌ته‌ر كرد له‌ پيشكه‌شكردن خوه‌راك ماوه‌ وه‌سه‌رچگ ئه‌را كووچبه‌ره‌يل ئه‌و كه‌مپه‌ و هه‌ر له‌وه‌ر ئه‌وه‌يش حه‌يده‌ر عبادى سه‌رۆك وه‌زيره‌يل فه‌رمان وازكردن په‌يجورى دا له‌ مه‌سه‌له‌گه‌و ئاشكراى گيرداين هه‌فت كه‌سيش كريا له‌ زمه‌ت په‌يجورێ.