هــــه‌واڵ كــوردى
توركيا پيشنياريگ بازرگانى ئه‌را هه‌رێم كوردستان پيشكه‌ش كرد

توركيا پيشنياريگ بازرگانى ئه‌را هه‌رێم كوردستان پيشكه‌ش كرد


شه‌فه‌ق نيوز/ نێچيروان بارزانى سه‌رۆك حكومه‌ت هه‌رێم كوردستان، پيشوازى له‌ شانديد باڵاى غورفه‌ى بازرگانى توركى كرد ك پيكهات له‌ غورفه‌يل بازرگانى دياربه‌كر و ماردين و شه‌رناخ و جزيره‌.

 

سه‌رۆكايه‌تى حكومه‌ت هه‌رێم له‌ به‌ياننامه‌يگ ئه‌را شه‌فه‌ق نيوز وت: ئه‌و ديداره‌ وه‌ ئاماده‌بوين باڵيۆز گشتى توركى له‌ هه‌ولێر بويه‌و شاند ميوان خوه‌شاڵ بويه‌ وه‌ سه‌ردان كوردستان و سوپاسگوزارى له‌ حكومه‌ت هه‌رێم كردگه‌ ئه‌را دابينكردن زه‌مينه‌يگ گونجياێ له‌وه‌ر پته‌وكردن په‌يوه‌نديه‌يل ئابوورى و بازرگانى وه‌ل توركياو له‌ هه‌مان وه‌خت ئاماده‌گى ده‌رخستگه‌ ئه‌را پته‌وكردن په‌يوه‌نديه‌يل بازرگانى له‌ناونى هه‌ردوگلاو پيشنياريگيش پيشكه‌ش كردگه‌ ئه‌را وازكردن ناوه‌نديگ هه‌ميشه‌يى ئه‌را بازرگانى له‌ هه‌رێم كوردستان.

 

جى باسه‌، به‌ياننامه‌گه‌ هه‌ميش وت: بارزانى له‌لاى خويه‌و سوپاسگوزارى پيشكه‌ش وه‌ حكومه‌ت و ملله‌ت توركى كردگه‌ له‌وه‌ر پشتگيريكردن له‌ كوردستان له‌وه‌خته‌يل سه‌خت و ئاشكراى فراوانكردن بازرگانى كردگه‌ له‌ناونى كوردستان و توركيا.