هــــه‌واڵ كــوردى
ئێزيديه‌يل ساڵياد په‌لامار داعش ئه‌را بان ناوچه‌يليان ئه‌كه‌ن و ده‌نگ وه‌ "به‌ڵێ" ئه‌يه‌نه‌ راپرسێ

ئێزيديه‌يل ساڵياد په‌لامار داعش ئه‌را بان ناوچه‌يليان ئه‌كه‌ن و ده‌نگ وه‌ "به‌ڵێ" ئه‌يه‌نه‌ راپرسێ


شه‌فه‌ق نيوز/ كورده‌يل ئێزێدى له‌ قه‌زاێ شه‌نگاڵ ساڵياد سێيه‌مين ساڵه‌ێ مه‌ويسى په‌لامار ريكخرياگ ترۆريستى داعش ئه‌كه‌ن ئه‌را بان قه‌زاگه‌و ناوچه‌يل ده‌ورگردێ.

 

ئێزيديه‌يل له‌ مه‌زارگه‌ێ "شێخ شه‌ره‌فه‌دين" له‌ شه‌نگاڵ ئه‌و ساڵياده‌ زينگه‌و ئه‌كه‌ن وه‌ كاره‌سات پڕ ژان تاريفى ئه‌كه‌ن له‌بان مه‌ردم ئێزيدى و داواكارن سزاێ ئه‌وانه‌ بدريه‌ێد ئه‌و روێداگه‌ وه‌سه‌ريان هاوردن.

 

له‌ كه‌مپ جه‌مشكوێ له‌ پاريزگاێ دهۆك ده‌يان كه‌س تر له‌ ئێزيديه‌يل گرده‌و بوين و له‌ وسيانيگ ئه‌را ساڵيادكردن ئه‌و جه‌مكوشى و ماڵويرانيه‌ ك هاته‌ تويشيان و وه‌هه‌مان شيوه‌ له‌ كه‌مپ ساريا له‌ شه‌نگاڵيش مه‌ردمان فريه‌يگ له‌ ئێزيديه‌يل و شماره‌يگ له‌ وه‌رپرسه‌يل ناوچه‌ييش له‌ قه‌زاگه‌ ئه‌و ساڵياده‌ زينگه‌و كردن و داوا له‌ كومه‌ڵگاێ ناوده‌وڵه‌تى كردن ئه‌و كارساته‌ وه‌ جينۆساێد بيه‌ێده‌ قه‌ڵه‌م وه‌ل ئازادكردن باقى ژن و مناڵه‌يليگ ك هيمان تائيسه‌ له‌لاى داعش ده‌سوه‌سه‌ر كريانه‌.

 

جى باسه‌، ئێزيديه‌يل جه‌خت له‌وه‌يش كردن ك وه‌گشت هيزيگه‌و به‌شدارى راپرسێ سه‌روه‌خوه‌يى هه‌رێم كوردستان ئه‌كه‌ن ك بڕياره‌ له‌ 25 ئه‌يلوول ئاينده‌ ئه‌نجام بگرێد و باس له‌وه‌يش كردن ك وه‌ به‌ڵێ ده‌نگ وه‌ سه‌روه‌خوه‌يى ئه‌يه‌ن له‌وه‌ر دوباره‌ نه‌كردنه‌وه‌ێ ئه‌و كاره‌ساته‌يله‌ ك هاته‌ تويشيان.