هــــه‌واڵ كــوردى
كورده‌يل فه‌يلى له‌ سلێمانى له‌باره‌ێ لێدوانه‌يل مه‌تڵه‌بى خوه‌ينيشانداين ئه‌كه‌ن

كورده‌يل فه‌يلى له‌ سلێمانى له‌باره‌ێ لێدوانه‌يل مه‌تڵه‌بى خوه‌ينيشانداين ئه‌كه‌ن


شه‌فه‌ق نيوز/ ريكخرياگ كورده‌يل فه‌يلى له‌ سلێمانى ئاشكراێ ئه‌وه‌ كرد ك خوه‌ينيشانداينيگ ريك ئه‌خه‌ن له‌وه‌رده‌م نويسينگه‌ێ ئه‌نجومه‌ن نوێنه‌ره‌يل عراقى له‌ سلێمانى ئه‌را شه‌رمه‌زاركردن لێدوانه‌يل سعه‌د مه‌تڵه‌بى ئه‌ندام ئه‌نجومه‌ن پاريزگاێ به‌غدا له‌بان ئئتلاف ده‌وڵه‌ت ياسا.

 

ريكخرياگ كورده‌يل فه‌يلى له‌ به‌ياننامه‌يگ ك ئاراسته‌ێ ئه‌ندامه‌يلى كرد و روينويسيگێ ره‌سيه‌ (شه‌فه‌ق نيوز) ئه‌وه‌ ده‌رخست ك رووژ يه‌كشه‌ممه‌ 16/7/2017 له‌ سه‌عات 10ى شه‌وه‌كێ خوه‌ينيشانداينيگ ناڕه‌زايى و شه‌رمه‌زاكردن له‌وه‌رده‌م نويسێنگه‌ێ په‌رله‌مان عراقى له‌ شار سلێمانى ساز ئه‌كا وه‌ بوونه‌ێ ئه‌و لێدوانه‌يل حاشاكرياگه‌ ك يه‌كيگ له‌ ئه‌ندامه‌يل ئه‌نجومه‌ن پاريزگاێ به‌غدا داره‌ێ ده‌رهه‌ق كورده‌يل ده‌يشت هه‌رێم وه‌تايبه‌ت ده‌رهه‌ق كورده‌يل فه‌يلى له‌ حاڵه‌ت سه‌ركه‌فتن راپرسى له‌ كوردستان ك برياره‌ له‌ 25 ئه‌يلوول ئاينده‌ ئه‌نجام بگرێد.

 

جى باسه‌، ركخرياگ ناوبرياگ هه‌ميش وت: ئى خوه‌ينيشانداينه‌ گوزارشه‌ له‌و هه‌ڕه‌شه‌يليشه‌ ك ئه‌ياده‌ تويش بريگ له‌ خيزانه‌يل كورد فه‌يلى له‌ ده‌يشت هه‌رێم و رخه‌وبردنيان ك بوو ره‌فتار شوفێنى به‌عسى له‌لى ئه‌ياد ك پيكهاته‌گه‌مان له‌ساڵ 1980 گرته‌ ئامانج و كووچ وه‌پيان كرد و ده‌س گرته‌ بان ماڵ و موڵكه‌يليان.