هــــه‌واڵ عــیراق
بروارى: له‌ناوبردن داعش ماناى قوناغيگ تازه‌ نيه‌ له‌ عراق

بروارى: له‌ناوبردن داعش ماناى قوناغيگ تازه‌ نيه‌ له‌ عراق


شه‌فه‌ق نيوز/ ئه‌نداميگ باڵا له‌ پارت ديموكرات كوردستان، باوه‌ڕێ ئه‌وه‌سه‌ ك له‌ناوبردن داعش له‌ڕوێ سه‌ربازيه‌و ماناى ده‌سوه‌پيكردن قوناغ تازه‌و جياوازيگ نيه‌ له‌ عراق و له‌ هه‌مان وه‌خت باسيش له‌ بى ئوميدى كوردستانى كرد له‌ئاكام داوه‌زين ئاست پرووژه‌ى عراق تازه‌ و وه‌ل ئه‌وه‌يشا روێداگه‌يل كه‌ركوك و ناوچه‌يل كيشه‌له‌سه‌ر و هه‌وڵه‌يل ته‌عريبيش وه‌ بردنه‌وه‌ى وڵاته‌گه‌ ئه‌را سێ ده‌يه‌ وه‌ره‌و دويا تاريف كرد.

 

عه‌بدولسه‌لام بروارى ئه‌ندام وه‌رين له‌ په‌رله‌مان كوردستان، وت: وه‌خت قسه‌كردن له‌بان قوناغ دوياى داعش نه‌مه‌ند له‌وه‌ر نه‌وين ئاماژه‌يليگ راسكانى ئه‌را كووتاييهانه‌ له‌ حاڵ حازر و مه‌سه‌له‌ێ له‌ناوبردن ئه‌و ريكخرياگه‌ له‌ڕوێ سه‌ربازيه‌و ماناى تواناى دڵنيايى نيه‌ ئه‌را ده‌سوه‌پيكردن قوناغ تازه‌يگ يا جيايگ له‌ عراق.

 

جى باسه‌، بروارى باوه‌ڕيشى ئه‌وه‌سه‌ ك هه‌رێم كوردستان چيه‌سه‌ قوناغيگ تازه‌وه‌ له‌ئاكام په‌شيمانبوينه‌وه‌ێ ئاشكرايگ نوخبه‌يگ سياسى عراقى له‌ پرووژه‌ى تازه‌ى عراق.