هــــه‌واڵ عــیراق
عه‌سايب هه‌ڵويست له‌ بڕيار عبادى و شماره‌ى راسكانى حه‌شد ده‌رخست

عه‌سايب هه‌ڵويست له‌ بڕيار عبادى و شماره‌ى راسكانى حه‌شد ده‌رخست


شه‌فه‌ق نيوز/ عه‌سايب ئه‌هل هه‌ق سه‌ر وه‌ حه‌شد شه‌عبى، هه‌ڵويست خوه‌ى نيشاندا له‌ بڕياره‌گه‌ێ حه‌يده‌ر عبادى سه‌رۆك وه‌زيره‌يل عراقى له‌باره‌ى مووچه‌ى جه‌نگاوه‌ره‌يل حه‌شد و يه‌كسان كردنيان وه‌ هيزه‌يل ئاسايشى.

 

له‌ى باوه‌ته‌و، رووژنامه‌ى شه‌رقولئه‌وسه‌ت له‌ زووان نه‌عيم ئه‌لعه‌بودى قسه‌كه‌ر وه‌ناو عه‌سايب وت: بڕيار عبادى له‌باره‌ى حه‌شد شه‌عبى يه‌كسانه‌ وه‌ مووچه‌ نه‌ك تيكه‌ڵ وه‌ ده‌زگايگ ئاسايشى و له‌هه‌مان وه‌خت گام عبادى وه‌ خاس تاريف كرد ك هه‌رچه‌نى دوياكه‌فت.

 

ئه‌لعبودى وت: ئيمه‌ تێبينى ديريم له‌ى مه‌سه‌له‌ ك ئه‌ويش چه‌سپانن شماره‌ى راسكانى حه‌شد شه‌عبيه‌و يه‌يش له‌ به‌ياننامه‌گه‌ى عبادى باس نه‌كرياو ئيمه‌يش هايم وه‌ل چه‌سپاننى، چوينكه‌ شماره‌ى راسكانى 140 هه‌زاره‌و ته‌نيا 122 هه‌زار جه‌نگاوه‌ر ناونويس كريانه‌و هه‌ر وه‌و خاتريشه‌ داواكاريم ئه‌و باقى شماره‌گه‌يش يچه‌سپيه‌ێد.