هــــه‌واڵ عــیراق
ئه‌مريكا له‌باره‌ى هاتنه‌وه‌ى داعش ئه‌را چالاكيه‌يل وه‌رجه‌ 2014 وشدارێ دا

ئه‌مريكا له‌باره‌ى هاتنه‌وه‌ى داعش ئه‌را چالاكيه‌يل وه‌رجه‌ 2014 وشدارێ دا


شه‌فه‌ق نيوز/ ئاژانس "ئه‌سوشيتدپرێس" ئه‌مريكى له‌ زووان شيه‌وكه‌ره‌يل وت: ريكخرياگ تيرۆريستى داعش دوياى ئه‌وه‌گ تويش واين يه‌ك له‌شوون يه‌ك هات، جاريگ تر چالاكيه‌يلێ هاته‌سه‌و جوور وه‌رجه‌ 2014 و مه‌ده‌نيه‌يل ئه‌گرێده‌ ئامانج.

 

له‌ى باوه‌ته‌و، هوشان هاشمى، شاره‌زا له‌ كاروبار داعش ك مشووره‌ت ئه‌را حكومه‌ت عراقى پيشكه‌ش ئه‌كا وت: ريكخرياگ داعش ئيسه‌ جوور ساڵ 2010 كار ئه‌كا وه‌رجه‌ په‌ره‌سه‌ندنى له‌ عراق ك دوياخريش زاڵ بوێ له‌بان موسڵ و ناوچه‌يل فراوانيگ له‌ عراق و سوريا.

 

هاشمى يه‌يش ده‌رخست و وت: گرووپه‌يل تيرۆريستى هه‌وڵ چه‌سپانن خوه‌يان ئه‌يه‌ن و ئه‌خوازن ئسپاتى بكه‌ن ك هيمان تواناى ئه‌وه‌ ديرن په‌لامار ئه‌نجام بيه‌ن ك هه‌رچه‌نى خاكه‌يل فريه‌يگ له‌ده‌سيان چيه‌و هه‌يواين له‌ جه‌نگ.