هــــه‌واڵ عــیراق
ئالوسى وه‌ بوونه‌ى ته‌ياره‌خانه‌يل كوردستانه‌و ره‌خنه‌يل تونيگ له‌ عبادى گرت

ئالوسى وه‌ بوونه‌ى ته‌ياره‌خانه‌يل كوردستانه‌و ره‌خنه‌يل تونيگ له‌ عبادى گرت


شه‌فه‌ق نيوز/ مسال ئالوسى ئه‌ندام ئه‌نجومه‌ن نوێنه‌ره‌يل عراقى، روێ ره‌خنه‌ى تونيگ له‌ حه‌يده‌ر عبادى سه‌رۆك وه‌زيره‌يل كرد له‌باره‌ى قه‌يه‌غه‌ێ گه‌شت له‌بان ته‌ياره‌خانه‌يل هه‌رێم كوردستان.

 

ئالوسى له‌ به‌ياننامه‌يگ ئه‌را شه‌فه‌ق نيوز وت: ئمڕوو ته‌ياره‌خانه‌ى ناوده‌وڵه‌تى هه‌ولێر وه‌ فه‌رمان حكومه‌ت ناوه‌ندى واز كريا تا مه‌ردم حه‌جكه‌ر بتويه‌نن مه‌شق فه‌رزه‌يل ئايينى و كه‌شه‌يل ئنسانى خوه‌يان بكه‌ن.

 

ئالوسى وت: ڕێ بيه‌پێم ئه‌ى ده‌وڵه‌ت سه‌رۆك وه‌زيره‌يل موحته‌ره‌م قه‌سه‌مد بيه‌م وه‌ خوداى كه‌عبه‌يگ ك من و تن باوه‌ڕ وه‌پى ديريم، به‌ڵێ ريزدار سه‌رۆك وه‌زيره‌يل له‌كام ئايه‌تيگ يا ده‌قيگ قورئانى يا حه‌ديسيگ په‌يغه‌مبه‌ر يا فه‌رمايشيگ ئيمامه‌يل مه‌عسوم به‌ڵێ گه‌وراى سه‌ركه‌فتگ كى وه‌پێد وت موسڵمان هه‌ق له‌ ته‌ياره‌خانه‌يل ده‌وڵه‌ته‌گه‌ێ ديرێد و مه‌سيحى و يه‌هودى و ئێزيدى و سابئى و به‌هائى و عه‌ره‌به‌يل ناموسڵمان و كورد و توركمانى بيبه‌شن، كى وه‌پێد وت و له‌كام بڕگه‌يگ ده‌ستوورى هاتگه‌ ك ته‌ياره‌خانه‌يل ته‌نيا ئه‌را ئه‌وانه‌سه‌ خوه‌د ئه‌خوازيده‌يان و مه‌يل ئه‌رايان ديرێد؟.

 

ئالوسى وت: ئايا كه‌سه‌يل تر جيا له‌ حاجيه‌يل هاووڵاتيه‌يل ترن ك قيمه‌ت و مافه‌يليان كه‌متره‌؟ ئه‌ى سه‌رۆك وه‌زيره‌يل سه‌ركه‌فتگ ئايا زانيد ك له‌كه‌سه‌يل تر كى نه‌خوه‌شى سه‌خت ديرێد و كى پير په‌ككفه‌تگه‌و خيزانه‌يليگ هه‌ن بڕيگ له‌ليان نيمه‌يان ها هه‌ولێر و دهۆك و سلێمانى و ئه‌و نيمه‌يان هانه‌ ده‌يشت وڵاتيان جوور خوه‌د هه‌ناى ك ئاواره‌ بوێد و نيشتمان نه‌ياشتيد بيجگه‌ سه‌ماحه‌ت خوه‌رئاواو ته‌نانه‌ت تن و كه‌سه‌يليگيش له‌ ئيمه‌يش وه‌رجه‌ ئه‌وه‌گ بايمنه‌و ئه‌را عراق و وڵات له‌ ديكتاتۆريه‌ت ئازاد بكريه‌ێد شوين ژيايم ك ئيسه‌ وه‌ناو ئايين و مه‌هانه‌يليگ ته‌ياره‌خانه‌يل ئه‌وه‌سێد و واز ئه‌كه‌يد نا ده‌سكه‌فت و سواو!.

 

جى باسه‌، ئاماژه‌ وه‌يه‌يش كريه‌ێد ك ته‌ياره‌خانه‌ى هه‌ولێر ئمڕوو ئه‌را يه‌كه‌مجاره‌ گه‌شتيگ خارجى ئه‌نجام بيه‌ێد و حه‌جكه‌ره‌يل ئه‌را سعوديه‌ جيواز بكه‌ێد دوياى ئه‌و قه‌ه‌يه‌غه‌ى ناوده‌وڵه‌تيه‌ ك له‌لايه‌ن حكومه‌ت عراقيه‌ه‌و چه‌سپيا له‌بان ته‌ياره‌خانه‌يل هه‌رێم كوردستان جوور جواويگ ئه‌را ئه‌و راپرسيه‌ ك له‌مانگ ئه‌يلوول گوزه‌يشت ئه‌نجام گرت.