هــــه‌واڵ عــیراق
ئه‌مريكا ده‌سميه‌ت راسه‌خۆ پيشكه‌ش وه‌ مه‌سيحيه‌يل و ئێزيديه‌يل كرد له‌ عراق

ئه‌مريكا ده‌سميه‌ت راسه‌خۆ پيشكه‌ش وه‌ مه‌سيحيه‌يل و ئێزيديه‌يل كرد له‌ عراق


شه‌فه‌ق نيوز/ واشنتۆن ئاشكراى ئه‌وه‌ كرد ك ده‌سميه‌ت پيشكه‌ش وه‌ مه‌سيحيه‌يل و ئێزيديه‌يل ئه‌كا له‌ عراق وه‌شيوه‌يگ راسه‌وخۆ وه‌بى گله‌وخواردن ئه‌را نه‌ته‌وه‌يل يه‌كگرتگ.

 

مايك بينس جيگر سه‌رۆك ئه‌مريكى له‌ به‌ياننامه‌يگ ك شه‌فه‌ق نيوز ئاگادارى بوى ئه‌وه‌ ده‌رخست ك خوه‌ى و دۆناڵد تره‌مپ سه‌رۆك ئه‌مريكى هاوردنه‌وه‌ى ماف و موڵكه‌يل مه‌ردمان مه‌سيحى و ئێزيدى له‌ عراق ك له‌ئاكام له‌ناوبردن وه‌جه‌م وه‌تاڵان بريا له‌لايه‌ن ريكخرياگ ترۆريستى داعشه‌و، يه‌كيگه‌ له‌ گرنگترين ئه‌وله‌ويات له‌ كار ئداره‌گه‌يان.

 

جى باسه‌، بينس هه‌ميش وت: ترامپ فه‌رمان داسه‌ حكومه‌ت ده‌س هه‌ڵگرێد له‌ وه‌كارهاوردن به‌رنامه‌يل يه‌واش و ناكارا و خه‌رجكه‌ر سه‌ر وه‌ نه‌ته‌وه‌يل يه‌كگرتگ و له‌جياى ئه‌وه‌ با ده‌سميه‌ت دابه‌ش بكا له‌ڕى ئاژانس ئه‌مريكى ئه‌را په‌ره‌داينن ناوده‌وڵه‌تى USAIDوه‌شيوه‌ى گورج و راسه‌وخۆ، يه‌يش له‌وه‌ختيگ بڕ ئه‌و ده‌سميه‌ته‌ ئه‌را مه‌سيحيه‌يل و ئێزيديه‌يل هيمان ئاشكرا نه‌كرياگه‌ چه‌نيگه‌.