هــــه‌واڵ كــوردى
بارزانى و نوجێفى: كيشه‌ وه‌ هه‌ڕه‌شه‌ چاره‌سه‌ر نادێ.. به‌ڵكوو وه‌ دو چشت

بارزانى و نوجێفى: كيشه‌ وه‌ هه‌ڕه‌شه‌ چاره‌سه‌ر نادێ.. به‌ڵكوو وه‌ دو چشت


شه‌فه‌ق نيوز/ مه‌سعود بارزانى سه‌ركرده‌ى پارت ديموكرات كوردستان، وه‌ل ئوسامه‌ نوجێفى جيگر سه‌رۆك كۆمار عراق، باس له‌ بار سياسى ناونى به‌غدا و هه‌ولێر كردن و جه‌ختيش له‌بان ئه‌وه‌ كردن ك كيشه‌يل وه‌ زووان هه‌ڕه‌شه‌ چاره‌سه‌ر نادێ، به‌ڵكوو له‌ڕێ له‌يه‌كڕه‌سينه‌وه‌و گفتگوو چاره‌سه‌ر ئه‌دێ.

 

پارت ديموكرات كوردستان له‌ به‌ياننامه‌يگ وت: بارزانى و نوجێفى له‌ ديداريگ له‌ هه‌ولێر وه‌ ئاماده‌بوين سه‌ركرده‌يل پارت ديموكرات كوردستان باس له‌ ئاينده‌ى ژيان سياسى پيكهاته‌يل‌ له‌ عراق و ئه‌و كيشه‌و سه‌ختيه‌يله‌ كردنه‌ ك له‌ناو پرووسه‌ى سياسى وجوود ديرن.

 

جى باسه‌، به‌ياننامه‌گه‌ هه‌ميش وت: هه‌ردوگلا له‌و دانيشتنه‌ جه‌خت له‌بان چاره‌سه‌ر كيشه‌يل و ده‌رچگن له‌ قه‌يرانه‌يل كردنه‌ وه‌جووريگ ك هه‌وه‌جه‌ وه‌ له‌يه‌كڕه‌سينه‌وه‌و كار هاوبه‌ش ديرێد له‌ ناونى گشت لايه‌نه‌يل.