هــــه‌واڵ عــیراق
ئه‌مريكا: داعش له‌ په‌لاماره‌گه‌ى موسڵ كيمياوى هاورده‌سه‌ كار

ئه‌مريكا: داعش له‌ په‌لاماره‌گه‌ى موسڵ كيمياوى هاورده‌سه‌ كار


شه‌فه‌ق نيوز/ سه‌ركرده‌ى هيزه‌يل زه‌مينى هاوپه‌يمان وه‌ سه‌رۆكايه‌تى وڵاته‌يل يه‌كگرتگ له‌ عراق باس له‌وه‌ كرد ك چه‌كداره‌يل ريكخرياگ ترۆريستى داعش له‌ سه‌ره‌تاى ئى هه‌فته‌ له‌ په‌لامارداين هيزه‌يل عراقى مادده‌ى كيمياوى هاوردنه‌سه‌ كار و هه‌ر وه‌و خاتريشه‌ ره‌وانه‌ى تاقيگايه‌يل كرياگه‌ ئه‌را ته‌ئكيدكردن.

 

له‌ى باوه‌ته‌و، جه‌نراڵ جوزيف مارتن ئه‌را رووژنامه‌نويسه‌يل وت: چه‌كداره‌يل ريكخرياگ داعش قازيفه‌يل كيمياوى له‌ وه‌رانوه‌ر هيزه‌يل عراقى هاوردنه‌سه‌ كار له‌ خوه‌رئاواى موسڵ، وه‌لێ ئه‌و په‌لاماره‌ ئه‌وه‌نه‌ كاريگه‌ر نه‌ويه‌.

 

مارتن هه‌ميش وت: ئيمه‌ وه‌ ته‌مامى ته‌ئكيد نييم له‌و مادده‌ى كيمياويه‌، هه‌ر وه‌و خاتريشه‌ ره‌وانه‌ى كرديمنه‌ ئه‌را تاقيگايه‌يل و چه‌وه‌ڕى ئاكامه‌يلى ئه‌كه‌يم.