هــــه‌واڵ كــوردى
كوردستان له‌ كۆنگره‌ێ توركيا جه‌خت له‌ "چاره‌سه‌ر گورج" كرد

كوردستان له‌ كۆنگره‌ێ توركيا جه‌خت له‌ "چاره‌سه‌ر گورج" كرد


شه‌فه‌ق نيوز/ ئه‌سته‌نبوڵ توركى كۆنگره‌ى خوه‌رهه‌ڵات گرته‌ خوه‌ى له‌ژير ناونيشان"وه‌ره‌و ريكخستنكارێ تازه‌ى ئاسايشى ئه‌را خوه‌رهه‌ڵات ناوين و باكوور ئه‌فريقيا"وه‌ به‌شدارى شماره‌يگ له‌ وه‌رپرس و توێژه‌ره‌يل له‌ وڵاته‌يل جياجياى جه‌هان.

 

له‌ى باوه‌تيشه‌و، فه‌لاح مسته‌فا وه‌رپرس په‌يوه‌نديه‌يل خارجى له‌ حكومه‌ت هه‌رێم كوردستان له‌بان داوه‌ت فه‌رمى جوور نوێنه‌ر حكومه‌ت هه‌رێم به‌شدارى ئى كۆنگره‌ ئه‌كا.

 

فه‌لاح له‌ يه‌كيگ له‌ دانيشتنه‌يل كۆنگره‌گه‌ باس له‌ كيشه‌يل خوه‌رهه‌ڵات ناوين و پايه‌و رۆڵ هه‌رێم كوردستان و داناين ته‌رتيبات تازه‌ى ئه‌منى كرد ئه‌را چاره‌سه‌ر ئه‌و كيشه‌يله‌ و وت: بايه‌سه‌ كيشه‌ى كورد پشتگووش نه‌خريه‌ێد له‌ خوه‌رهه‌ڵات ناوين هه‌تاهه‌تاس، به‌ڵكوو بايه‌سه‌ وه‌ گورجترين وه‌خت چاره‌سه‌ر بكريه‌ێد.

 

مسته‌فا له‌باره‌ى رۆڵ په‌يوه‌نديه‌يل هه‌رێم كوردستانيش وه‌ل ده‌وڵه‌ته‌يل هاوسا و كيشه‌ى ئيسه‌ له‌ ناوچه‌گه‌و ده‌ورگردى وت: ئمڕوو هه‌رێم كوردستان بويه‌سه‌ وازيزانيگ گرنگ له‌ ناوچه‌گه‌و قه‌واره‌ى هه‌رێم كوردستان قه‌واره‌يگ شه‌رعى و ده‌ستووريه‌و هه‌ر وه‌و جووريشه‌ مينێد.