هــــه‌واڵ عــیراق
دادگاى ناوده‌وڵه‌تى باوه‌ڕى ئه‌وه‌سه‌ سه‌ربازه‌يل بريتانى تاوان له‌ عراق ئه‌نجام دانه‌

دادگاى ناوده‌وڵه‌تى باوه‌ڕى ئه‌وه‌سه‌ سه‌ربازه‌يل بريتانى تاوان له‌ عراق ئه‌نجام دانه‌


شه‌فه‌ق نيوز/ داواكار گشتى دادگاى تاوانه‌يل ناوده‌وڵه‌تى وت: بنه‌مايگ مه‌نتقى هه‌س ئه‌را باوه‌ڕكردن وه‌ ئه‌وه‌گ سه‌ربازه‌يل بريتانى تاوان جه‌نگ له‌ عراق ئه‌نجام دانه‌ دوياى داگيركارى ئه‌مريكى له‌ساڵ 2003.

 

له‌ى باوه‌ته‌و، فاتو بن سودا له‌ راپۆرتيگ وت: دوياى مه‌زه‌نه‌كردن ياسايى پڕ دقه‌تيگ ئه‌را زانياريه‌يل له‌وه‌رده‌س، بنه‌مايگ مه‌نتقى هه‌س ئه‌را باوه‌ڕكردن وه‌ ئه‌وه‌گ ئه‌ندامه‌يليگ له‌ هيزه‌يل چه‌كدار بريتانى تاوان جه‌نگ دژ زيندانيكرياگه‌يل ئه‌نجام داوێن.

 

جى باسه‌، ئى راپۆرتيشه‌ ك پيكهاتگه‌ له‌ 74 لاپه‌ڕه‌ له‌وه‌خت سازكردن خول 16ى ساڵانه‌ى ده‌وڵه‌ته‌يل ئه‌ندام له‌ سيستم بنه‌ڕه‌تى رۆمار بڵاو كريا ك دامه‌زرنه‌ر دادگاى تاوانه‌يل ناوده‌وڵه‌تيه‌و هه‌ر وه‌و خاتريشه‌ ريكخرياگ وه‌خشين ناوده‌وڵه‌تييش باس له‌وه‌ كرد ك نه‌بايه‌د ئى تاوانه‌يله‌ فه‌رامووش بكريه‌ێد.