هــــه‌واڵ عــیراق
ئه‌نته‌رنێت له‌ عراق گورجه‌و ئه‌دێ

ئه‌نته‌رنێت له‌ عراق گورجه‌و ئه‌دێ


شه‌فه‌ق نيوز/ وزاره‌ت په‌يوه‌نديه‌يل عراقى ئاشكراى ئه‌وه‌ كرد ك رووژ دوشه‌ممه‌ى ئاينده‌  تووڕ كێبڵ تيشكى FTTH ئه‌خريه‌ێده‌ كار ك له‌لايه‌ن پرووژه‌ى قه‌رز يابانيه‌و ته‌مويل ئه‌كريه‌ێد.

 

له‌ى باوه‌ته‌و، حازم محه‌مه‌د عه‌لى وه‌ڕيه‌وبه‌ر نويسينگه‌ى ره‌سانن وزاره‌ته‌گه‌ له‌ باسيگ ئه‌را (شه‌فه‌ق نيوز) وت: دانيشتنيگ وه‌ سه‌رۆكايه‌تى باسم ئه‌لئه‌سه‌دى وه‌ڕيه‌وبه‌ر گشتى ده‌زگاى نه‌خشه‌كيشان و چه‌وديرى و سه‌رۆك تيم كار قه‌رز يابانى ئه‌نجام درياگه‌و له‌تى باس له‌ ميكانيزم كار تايبه‌ت وه‌ ته‌مامكردن گشت كاره‌يل په‌يوه‌س وه‌ سه‌رخستن ئى كرده‌وه‌ كرياگه‌ له‌ گشت رويه‌يل ته‌كنيكى و ئاسايشى و ميديايى.

 

عه‌لى باس له‌وه‌يش كرد ك چالاكيه‌يل وه‌كارخستن ئى پرووژه‌ له‌ رووژ دوشه‌ممه‌ى ئاينده‌ له‌ دويان وزاره‌ته‌گه‌ ساز ئه‌كريه‌ێد و ئه‌رك لايه‌نه‌يل سه‌رپه‌رشياريش ئه‌را ئى كاره‌ ده‌سنيشان كرياگه‌.

 

جى باسه‌، ئى كێبڵ تيشكيه‌ دوياى 2003 پشت وه‌پى به‌سياو هه‌ر وه‌و خاتريشه‌ وزاره‌ت په‌يوه‌نديه‌يل هه‌وڵ ره‌سانن ئى خزمه‌ته‌ ئه‌ياد ئه‌را گشت پاريزگايه‌يل ك سيستم خاسيگ گرته‌سه‌ خوه‌ى و له‌وانه‌يش په‌يوه‌ندى گورج و ئه‌نته‌رنێت فريه‌ گورجيگ و په‌يوه‌نديه‌يل ڤيديۆيى.