هــــه‌واڵ كــوردى
بارزانى دانيشتنيگ وه‌ل شانديگ وه‌سه‌رۆكايه‌ى خه‌نجه‌ر وكه‌ربولى سازكرد

بارزانى دانيشتنيگ وه‌ل شانديگ وه‌سه‌رۆكايه‌ى خه‌نجه‌ر وكه‌ربولى سازكرد


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، دانيشتنيگ له‌ هه‌وارگه‌ى سه‌ڵاحه‌دين له‌ هه‌ولێر وه‌ل خه‌ميس ئه‌لخه‌نجه‌ر سه‌رۆك كوتله‌ى ئه‌لموشروع ئه‌لعه‌ره‌بى و شانده‌ ياوه‌ره‌گه‌ى سازكرد ك جه‌مال كه‌ربولى و شماره‌يگ له‌ ئه‌ندامه‌يل تازه‌ى په‌رله‌مان له‌خوه‌ى گرتوێد.

 

له‌ى باوه‌ته‌و، نويسينگه‌ى ره‌سانن پارت ديموكرات كوردستان له‌ به‌ياننامه‌يگ ئه‌را شه‌فه‌ق نيوز وت: له‌و دانيشتنه‌ دويا روێداگه‌يل سياسى و ئاڵشتكاريه‌يل له‌ هاوكيشه‌يل په‌يوه‌س وه‌ دامه‌زرانن حكومه‌ت تازه‌ى عراقى تاوتوێ كرياگه‌و جه‌ختيش له‌بان زيايكردن هه‌وڵه‌يل كرياگه‌ ئه‌را دامه‌زرانن حكومه‌ت وه‌خاتر چاره‌سه‌ركردن كيشه‌ێ هاووڵاتيه‌يل و دابينكردن خزمه‌تگوزاريه‌يل.

 

جى باسه‌، به‌ياننامه‌گه‌ هه‌ميش وت: له‌و دانيشتنه‌ رووشنايى خرياسه‌ بان روێداگه‌يل پاريزگاى به‌سره‌و ناڕه‌زايه‌يل مه‌ردم و جه‌ختيش له‌وه‌ كرياگه‌ ك بايه‌سه‌ وه‌ زويترين وه‌خت داواكارى و مافه‌يل مه‌ردم ئه‌و شاره‌ جێوه‌جێ بكريه‌ێد.