هــــه‌واڵ عــیراق
ريككه‌فتن سياسى زه‌مانه‌ت يه‌كلاكردنه‌وه‌ى كيشه‌يل هه‌ڵوژاردنه‌

ريككه‌فتن سياسى زه‌مانه‌ت يه‌كلاكردنه‌وه‌ى كيشه‌يل هه‌ڵوژاردنه‌


شه‌فه‌ق نيوز/ سه‌رچه‌وه‌يگ سياسى ئاشكراى ئه‌وه‌ كرد ك جواو دادوه‌رى عراقى شايه‌ت دويا بكه‌فێد له‌ يه‌كلاكردنه‌وه‌ى شكايه‌ته‌يل په‌يوه‌س وه‌ ئاكامه‌يل هه‌ڵوژاردن تا وه‌ختيگ ريككه‌فتنيگ سياسى له‌ناونى لايه‌نه‌يل سه‌ركه‌فتگ و زه‌ره‌دمه‌ن ئه‌نجام ئه‌دريه‌ێد.

 

له‌ى باوه‌ته‌و، سه‌رچه‌وه‌يگ ئاگادار ئه‌را شه‌فه‌ق نيوز ك نه‌تواس ناوى ئاشكرا بدێ وت: هه‌وڵه‌يل فريه‌يگ هه‌س له‌ لايه‌نه‌يل ديار عراقيه‌و ئه‌را هاوردنه‌وه‌ى هاوسه‌نگى و مقه‌يه‌تيكردن له‌ پرووسه‌ى سياسى و ديموكراسى دوياى ئاكامه‌يل ئى دوياخر هه‌ڵوژاردنه‌يله‌.

 

سه‌رچه‌وه‌گه‌ هه‌ميش وت: ريككه‌فتن و پرووسه‌ى دابه‌شكردن پۆسته‌يل حكومى و زه‌مانه‌تن ئه‌را به‌سانن و يه‌كلاكردنه‌وه‌ى گشت دوسيه‌يل شكايه‌ت و كيشه‌يليگ له‌ هه‌ڵوژاردن و ئه‌نجامه‌يلى و له‌ هه‌مان وه‌خت سه‌رچه‌وه‌گه‌ بڕيگ له‌ وزاره‌ته‌يل ك لاوريان له‌ حكومه‌ت دوير نه‌خست له‌ داناينيان له‌ دامه‌زرانن وزاره‌ته‌يل تازه‌.