هــــه‌واڵ عــیراق
سعوديه‌ موباره‌كبايى ئازادكردن موسڵ له‌ عراق كرد

سعوديه‌ موباره‌كبايى ئازادكردن موسڵ له‌ عراق كرد


شه‌فه‌ق نيوز/ شانشين عه‌ره‌بى سعودێ له‌ڕى وزاره‌ته‌ خارجيه‌گه‌ێ موباره‌كبايى پيشكه‌ش كرده‌ حكومه‌ت و ملله‌ت عراقى  وه‌ بوونه‌ێ هاوردنه‌وه‌ێ موسڵ له‌ژير ده‌سڵات ريكخرياگ ترۆريستى داعش.

 

له‌ى باوه‌ته‌و، ئاژانس فه‌رمێ هه‌واڵه‌يل سعودێ(واس)له‌ زووان سه‌رچه‌وه‌يگ وه‌رپرس له‌ خارجيه‌ێ ئه‌و وڵاته‌ باس له‌وه‌ كرد ك سعوديه‌ وه‌رده‌وام هاوكارێ عراق ئه‌كا له‌ هه‌وڵه‌يلى ئه‌را له‌ناوبردن ترۆر و ريه‌يل ته‌مويلكردنى وه‌گشت شيوازه‌يلى.

 

جى باسه‌، له‌ 10ى ئى مانگيشه‌ حه‌يده‌ر عبادێ سه‌رۆك وه‌زيره‌يل عراقى له‌ موسڵ ئاشكراێ ئه‌وه‌ كرد ك هيزه‌يل عراقى وه‌ ته‌مامى شاره‌گه‌ له‌ چه‌كداره‌يل ترۆريستى داعش پاكه‌و كردنه‌و ئاشكراێ سه‌ركه‌فتن كرد.