هــــه‌واڵ كــوردى
ژنيگ وه‌ نه‌خوه‌شى "ته‌و خوينوه‌ربوين" له‌ سلێمانى گيان له‌ده‌سدا

ژنيگ وه‌ نه‌خوه‌شى "ته‌و خوينوه‌ربوين" له‌ سلێمانى گيان له‌ده‌سدا


شه‌فه‌ق نيوز/ ئمڕوو له‌ شار سلێمانى ژنيگ تويشهاتگ وه‌ نه‌خوه‌شى "ته‌و خوينوه‌ربوين" گيان له‌ده‌سدا، ك خه‌ڵك شار كه‌ركوكه‌و له‌ نه‌ته‌وه‌ى عه‌ره‌به‌و جيواز كرياوێد ئه‌را نه‌خوه‌شخانه‌ له‌ سلێمانى و له‌ورا مرد.

 

وه‌ گووره‌ى سه‌رچه‌وه‌يليگ له‌ ته‌ندروسى عراقى ئه‌وه‌ ده‌ركه‌فت ك په‌نج حاڵه‌ت مردن وه‌ ئى نه‌خوه‌شيه‌ تۆمار كريانه‌ وه‌ل وجوود تويشهاتن فريه‌يگ، ك پاريزگاى ديوانيه‌ يه‌كه‌م حاڵه‌ت ڤايرۆس ئى نه‌خوه‌شيه‌ له‌تى تۆمار كرياگه‌.

 

جى باسه‌، وزاره‌ت ته‌ندروستى له‌ حكومه‌ت هه‌رێم كوردستان، ئاشكراى دامه‌زرانن غورفه‌يگ هاوبه‌ش كرد له‌ هه‌رێم ئه‌را نواگيرى له‌ ره‌سين نه‌خوه‌شى ته‌و خوينوه‌ربوين ئه‌را هه‌رێم كوردستان و هه‌ر وه‌و خاتريشه‌ وه‌زير ته‌ندروسى دڵنيايى دا هاووڵاتيه‌يل ك كوردستان له‌ى حاڵه‌ته‌يله‌ له‌تى وجوود نه‌يرێد.