هــــه‌واڵ كــوردى
ئاسايش سلێمانى دگان وه‌پياناين چه‌ته‌يليگ مه‌ترسيدار بڵاو كرد

ئاسايش سلێمانى دگان وه‌پياناين چه‌ته‌يليگ مه‌ترسيدار بڵاو كرد


شه‌فه‌ق نيوز/ هيزه‌يل ئاسايش سلێمانى, دگان وه‌پياناين شانه‌يگ تاوانكارى مه‌ترسيدار بڵاوكرد ك له‌ماوه‌ى رووژه‌يل گوزه‌يشت ئاشكراى گرتن ئه‌ندامه‌يلى كرد له‌ كۆنگره‌يگ رووژنامه‌گه‌رى له‌لايه‌ن ليوا حه‌سه‌ن نورى وه‌ڕێه‌وبه‌ر ئاسيش سلێمانى.

 

ئه‌و چه‌ته‌يله‌ ك سه‌ر وه‌و شانه‌ى مه‌ترسيداره‌نه‌, دگان وه‌ئه‌وه‌ نانه‌ سه‌ره‌تا ده‌س كردنه‌سه‌ دزى و رفانن سه‌ياره‌يل و كوشتن و شاردنه‌وه‌ى ته‌رمه‌يل ئه‌و كه‌سه‌يله‌ ك سه‌ياره‌گه‌ى وه‌پيان نه‌ياگه‌ يا وه‌رگرى له‌ خوه‌يان كردنه‌.

 

ئه‌و ئه‌ندامه‌يله‌ دوياى دزيكردن و ده‌سدريژى له‌بان مه‌ردم، دگان وه‌ ئه‌وه‌يش نانه‌ چينه‌سه‌ ناو ماركێتات له‌ سلێمانى و جايه‌ڵيگيش كوشتنه‌و دوياخريش سه‌ياره‌يل فريه‌يگ دزينه‌و وه‌گووره‌ى قسه‌يليان ئه‌و چه‌ته‌يله‌ په‌يوه‌ندييش داشتنه‌ وه‌ل شانه‌يل تر مه‌ترسيدار له‌ ناوڕاس و باشوور عراق ك سه‌ياره‌يل دزرياێ وه‌پيان دانه‌و فروشياگه‌و ئه‌وانيش سه‌ياره‌ى دزرياێ وه‌ ئه‌يان دانه‌ له‌ سلێمانى.

 

جى باسه‌، ئى شانه‌ى مه‌ترسيداره‌ له‌ ماوه‌ى كاره‌يل مه‌ترسيداريان نزيكه‌ى 40 تاوان فريه‌ خه‌ته‌رناك ئه‌نجام دانه‌ بيجگه‌ كاره‌يل مامڵه‌كردن وه‌ل مادده‌يل هووشبه‌ر.