هــــه‌واڵ عــیراق
جه‌وده‌ت باس وه‌رگرێ داعش كرد له‌ دويا بنگه‌يلێ له‌ موسڵ

جه‌وده‌ت باس وه‌رگرێ داعش كرد له‌ دويا بنگه‌يلێ له‌ موسڵ


شه‌فه‌ق نيوز/ فه‌ريق رائد جه‌وده‌ت سه‌ركرده‌ێ پۆليس ناوه‌ندى جه‌خت له‌وه‌ كرد ك هيزه‌يلى هانه‌ ده‌ورگرد حه‌يولشفا له‌ شار موسڵ له‌ چوارچيوه‌ێ ئازاد شار كويه‌ن دويا بنگه‌يل داعش له‌ موسڵ.

 

جه‌وده‌ت له‌ باسيگ ئه‌را(شه‌فه‌ق نيوز)وت: جه‌نگ وه‌گووره‌ى پلانه‌يل ئاماده‌كرياێ ئه‌نجام ئه‌گرێد و يه‌كه‌يليگ له‌ پۆليس ناوه‌ندێ پيشڕه‌وێ ئه‌كه‌ن له‌ حه‌يولشفا له‌ باكوور شار كويه‌ن وه‌ ئامانج زاڵبوين له‌بان كنار ئاو دجله‌و حاڵه‌ت جه‌ماعه‌ت ترۆريستى هاوردنه‌سه‌ ته‌نگ له‌ ده‌ورگرد مزگفت ئه‌لنورى.

 

جى باسه‌، جه‌وده‌ت هه‌ميش وت: شيواز داعش له‌ وه‌رگريكردن دقه‌ت له‌بان چه‌ك قه‌ناس و سه‌ياره‌يل مينڕيژكرياێ و مينڕيژكردن ماڵ و ڕى وبانه‌يل ئه‌كا وه‌ل بته‌وكردن هيزه‌يلى له‌ شوونه‌يل قه‌ره‌باڵغ و كويچه‌يل ته‌نگ.