هــــه‌واڵ كــوردى
شانديگ په‌رله‌مان كوردستان سه‌ردان عه‌فرين ئه‌كا

شانديگ په‌رله‌مان كوردستان سه‌ردان عه‌فرين ئه‌كا


شه‌فه‌ق نيوز/ سه‌رچه‌وه‌يگ له‌ په‌رله‌مان هه‌رێم كوردستان، ئاشكراى ئه‌وه‌ كرد ك شانديگ باڵا له‌ په‌رله‌مان سه‌ردان شار عه‌فرين ئه‌كا له‌ سوريا له‌وه‌ر ئاگاداربوين له‌ بارودوخ شاره‌گه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: شاند په‌رله‌مان كوردستان له‌وه‌ر ئاگاداربوين له‌ نزيكه‌وه‌ له‌ بارودوخ شار عه‌فرين سه‌ردان شاره‌گه‌ ئه‌كا له‌ئاكام ئه‌و په‌لاماره‌يل سه‌ربازى توركيه‌ ك ئه‌را بان ئه‌و شار و ناوچه‌يل ده‌ورگرديه‌ ئه‌نجام دريانه‌.

 

جى باسه‌، سه‌رچه‌وه‌گه‌ هه‌ميش وت: ئه‌و شانده‌ پيكهاتنه‌ له‌ عه‌لى هالو و عه‌باس فه‌تاح و شێركۆ حه‌مه‌ ئه‌مين و ئه‌بو به‌كر و سوهراب ميكائيل، ك ده‌سميه‌ته‌يل پزيشكى و ده‌واو ده‌رمانيش وه‌ل خوه‌يان ئه‌وه‌ن و راپۆرتيگيش له‌بان بارودخ ناوچه‌گه‌ ئاماده‌ ئه‌كه‌ن.