هــــه‌واڵ عــیراق
ئه‌مريكا: سه‌ركه‌فتن سه‌در له‌ هه‌ڵوژاردنه‌يل و سزايه‌يل سه‌ره‌تاى واين ئيرانه‌

ئه‌مريكا: سه‌ركه‌فتن سه‌در له‌ هه‌ڵوژاردنه‌يل و سزايه‌يل سه‌ره‌تاى واين ئيرانه‌


شه‌فه‌ق نيوز/ قسه‌كه‌ر وه‌ناو ئه‌نجومه‌ن ئاسايش نه‌ته‌وه‌يى ئه‌مريكى وت: عراق كار له‌بان روێ وه‌ڕوێ بوينه‌وه‌ى ره‌فتاره‌يل خراو ئيران ئه‌كا.

 

قسه‌كه‌ره‌گه‌ى ئه‌نجومه‌ن ئاسايش نه‌ته‌وه‌يى ئه‌مريكى له‌ لێدوانيگ ئه‌را ئه‌لعه‌ره‌بيه‌ ك شه‌فه‌ق نيوز ئاگادارى بوى وت: هه‌ڵوژاردنه‌يل ئاشتيانه‌و گشتگير و ديموكراسى عراق له‌ كووتايى هه‌فته‌ى گوزه‌يشت ئسپات ئه‌و كاره‌ ئه‌كا.

 

جى باسه‌، قسه‌كه‌ره‌گه‌ هه‌ميش وت: ره‌خنه‌گرتن له‌ ئيران و كاره‌يلى باوه‌تيگ گه‌ورا بوێ له‌ناونى ده‌نگده‌ره‌يل عراقى و شماره‌يگ له‌ كانديده‌يل له‌وانه‌گ سه‌ركه‌فتن له‌ هه‌ڵوژاردنه‌يل، ك يه‌يش وه‌ئاشكرا ئاماژه‌ وه‌ سه‌ركه‌فتن سائرون ئه‌كا له‌بان شماره‌يگ فريه‌يگ له‌ كورسيه‌يل و يه‌يش ناسرياگه‌ وه‌ رينمايه‌يل عه‌ره‌بى و دژايه‌تيكردن ئيران و هاوپه‌يمانه‌يلى له‌ عراق، يه‌يش له‌وه‌ختيگ ئداره‌ى ئه‌مريكى بڕيار روى وه‌ڕوێ بوينه‌وه‌ى كيشه‌يل ئيرانى دا وه‌ پشبه‌سانن وه‌ سێ چشت ئاشكرا، يه‌كه‌ميان چه‌سپانن سزا و دويه‌م چه‌سپانن هاوپه‌يمانه‌يل و سێيه‌ميش جواودانه‌وه‌ى جموجويله‌يل ئيرانى له‌ هه‌ر شوونيگ.