هــــه‌واڵ كــوردى
بارزانى له‌ ياد روێداگيگ وه‌رجه‌ 33 ساڵ: ئه‌گه‌ر دوشمن له‌تله‌تمانيش بكا سه‌ر ناچه‌مه‌نيم

بارزانى له‌ ياد روێداگيگ وه‌رجه‌ 33 ساڵ: ئه‌گه‌ر دوشمن له‌تله‌تمانيش بكا سه‌ر ناچه‌مه‌نيم


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، وه‌ بوونه‌ى 33يه‌مين ساڵياد كاره‌سات كه‌مپ زيوه‌، جه‌خت له‌وه‌ كرد و وت: هه‌رچه‌نى ئه‌و كاره‌سات گه‌ورا هاته‌ تويش ملله‌ت كورد له‌و وه‌خته‌يله‌، وه‌لێ رووژيگ گرنگ و پڕ مانا بوێ له‌ مێژوو به‌رخوردان و قوربانى ك ملله‌ت پيشكه‌شى كرد.

 

بارزانى له‌ به‌ياننامه‌يگ ك ماڵپه‌ڕه‌ فه‌رميه‌گه‌ى بڵاوێ كرد وت: كاره‌سات زيوه‌ وانه‌يگ بوێ ئه‌را ئيمه‌و گشت دووسه‌يلمان، ك قاره‌مانيگ وه‌ك داڵگه‌ ئامينه‌ ك جه‌رگ سزياێ بوێ و پارچه‌ گووشت مناڵه‌يلێ گرده‌و كردياد، سه‌ربه‌رزانه‌ ئه‌و وانه‌ دا ك ئه‌گه‌ر دوشمن له‌تله‌تمانيش بكا هويچ وه‌ختيگ سه‌ر ناچه‌منيم و له‌ فه‌رهه‌نگ خه‌بات ملله‌ت كورد خوه‌د وه‌ده‌سه‌ودان نيه‌.

 

بارزانى وت: رژيم به‌عس وه‌رين له‌ 9 حزه‌يران 1985 فريه‌ وه‌ دڕندانه‌ كه‌مپ ئاواره‌يل زيوه‌ بوردومان كرد و شماره‌يگ فريه‌ێ ژن و مناڵ و مه‌ردم بيتاوان شه‌هيد و زه‌خمدار بوين.

 

بارزانى هه‌يش وت: هه‌رچه‌نى ئه‌و كاره‌سات گه‌ورا له‌و رووژه‌ هاته‌ بان ملله‌ته‌گه‌مان، وه‌لێ ئه‌وه‌ رووژيگ گرنگ و پڕ له‌ وانه‌س له‌ مێژوو سه‌بر و قوربانى ملله‌ته‌گه‌مان و ئه‌وه‌ رێ ئازاديخوازيى ملله‌تيگ زوڵمليكرياگه‌و ئازادييش باج ئه‌خوازێد و بايه‌سه‌ قوربانى بيه‌يم و نائوميد نه‌ويمن و وه‌رداوم بويمن و خوه‌مان وه‌ده‌سه‌و نه‌يه‌يم.