هــــه‌واڵ عــیراق
عراق له‌باره‌ى كرده‌وه‌يل هاوبه‌ش سه‌ربازێ وه‌ل توركيا هاته‌ جواو

عراق له‌باره‌ى كرده‌وه‌يل هاوبه‌ش سه‌ربازێ وه‌ل توركيا هاته‌ جواو


شه‌فه‌ق نيوز/ ليژنه‌ى ئاسايش و وه‌رگرى نوێنه‌رايه‌تى عراقى ، لێدوانه‌يل مه‌ولود جاويش ئۆغلۆ وه‌زير خارجيه‌ى توركى داره‌و ك له‌تى وت هه‌ردوگ لايه‌ن عراقى و توركى ئه‌خوازن كرده‌وه‌يگ سه‌ربازى ئه‌نجام بيه‌ن له‌شوون هه‌ڵوژاردنه‌يل 2018.

 

له‌ى باوه‌ته‌و، ماجد ئه‌لغه‌ڕاوى ئه‌ندام ليژنه‌گه‌ ئه‌را شه‌فه‌ق نيوز وت: ئى قسه‌يله‌ ره‌ته‌و ئه‌كه‌يم و هه‌ر كرده‌وه‌يگ سه‌ربازييش له‌ناو مه‌رزه‌يل عراقى ته‌جاوزيگه‌ له‌بان سه‌روه‌رى عراق و حكومه‌ت عراقييش بايه‌سه‌ له‌ڕێ وزاره‌ت خارجيه‌و وه‌شيوه‌يگ فه‌رمى و ئاشكرا جواو ئى قسه‌يله‌ بيه‌ێده‌و.

 

جى باسه‌، ئه‌لغه‌ڕاوى هه‌ميش وت: بايه‌سه‌ له‌بان حكومه‌ت عراقى وجوود هه‌ر هيزيگيش دژ ده‌وڵه‌تيگ هاوسا له‌ناو خاكه‌يلێ نه‌يلێد تا مه‌هانه‌ له‌باره‌ى ده‌خاڵه‌ت خارجى وه‌ ده‌وڵه‌ته‌يل نه‌وه‌خشيم و ئاماژه‌ وه‌يه‌يش كرد ك كۆنترۆڵكردن مه‌رزه‌يل له‌لايه‌ن عراقه‌و ئه‌وه‌سه‌ ك حكومه‌ت عراقى رۆڵ خوه‌ى نيشان بيه‌ێد.