هــــه‌واڵ عــیراق
راپۆرتيگ: ئه‌مريكا تومه‌تبار ئيباێ وه‌ ته‌مويل داعش كرد

راپۆرتيگ: ئه‌مريكا تومه‌تبار ئيباێ وه‌ ته‌مويل داعش كرد


شه‌فه‌ق نيوز/ په‌يجووريكه‌ره‌يل ئه‌مريكى ئاشكراێ ئه‌وه‌ كردن ك هاووڵاتييگ له‌ ولايه‌ت ميريلاند پويل له‌ ريكخرياگ ترۆريستى داعشه‌و وه‌پى ره‌سيه‌ له‌ڕێ ماڵپه‌ڕ بازرگانى ناودار ئيباێ، ئه‌ويش وه‌ ئامانج ته‌مويلكردن كرده‌وه‌يل ترۆريستى له‌ وڵاته‌يل يه‌كگرتگ.

 

رووژنامه‌ێ ووڵ ستريت جۆرناڵ له‌ راپۆرتيگ وت: نويسينگه‌ێ په‌يجوويه‌يل فيدراڵى FBI ئاشكراێ ئه‌وه‌ كردگه‌ محه‌مه‌د ئه‌لشناوى ته‌مه‌ن سى ساڵان ك ساڵ گوزه‌يشت ده‌سگير كرياگه‌ سه‌رپه‌رشى كرده‌وه‌يل درووكانى ئه‌را فرووشتن ئامێره‌يل چاپه‌مه‌نى كردگه‌ له‌بان ماڵپه‌ڕ مه‌زاد ئه‌لكترۆنى وه‌ ئامانج ته‌مويلكردن كرده‌وه‌يل ترۆريستى له‌ ئه‌مريكا.

 

راپۆرته‌گه‌ ئاماژه‌ وه‌يه‌يش كرد ك به‌شيگ له‌ تووڕ ناوده‌وڵه‌تى ئى شيوازه‌يله‌ تيه‌رێده‌ كار ئه‌را ته‌مويل ريكخرياگ ترۆريستى داعش، ك له‌لايه‌ن سه‌ركرده‌يگ له‌ داعش وه‌ناو سيفول سوجان ئداره‌ێ كرياگه‌، ك له‌ئاكام بوردمانيگ ئه‌مريكى كوشياگه‌و يه‌كيگ بويه‌ له‌ ديارترين قه‌راسنه‌يل داعش له‌بان ئه‌نته‌رنێت له‌ نزيك شار رقه‌.