هــــه‌واڵ عــیراق
خيزانه‌يل داعش له‌ ناوچه‌يگ عراقى ده‌ركريان

خيزانه‌يل داعش له‌ ناوچه‌يگ عراقى ده‌ركريان


شه‌فه‌ق نيوز/ چه‌نه‌ها هه‌ڵمه‌ت له‌ باشوور پاريزگاى نه‌ينه‌وا ئه‌را ده‌ركردن خيزانه‌يل سه‌ر وه‌ چه‌كداره‌يل ريكخرياگ داعش ده‌سوه‌پيكرد له‌ئاكام ئه‌و تاوانه‌يله‌ ك ده‌هه‌ق وه‌ هاووڵاتيه‌يل مه‌ده‌نى ئه‌نجام درياگه‌و له‌وانه‌يش ئه‌و تاوانه‌ ك ده‌رهه‌ق وه‌ وه‌رپرسيگ له‌ حه‌شد عه‌شايرى و خيزانه‌گه‌ى ئه‌نجام دريا له‌ هه‌فته‌ى گوزه‌يشت.

 

له‌ى باوه‌ته‌و، سبوتنم له‌ زووان سه‌رچه‌وه‌يليگ ئه‌منى و ناوچه‌يى وت: بريار له‌ مه‌ردم ناحيه‌ى شووره‌(وه‌دويرى نزيكه‌ى 45كم له‌ باشوور مووسڵ)له‌باكوور عراق، بويه‌ هووكار ده‌ركردن ئه‌و خيزانه‌يل داعشه‌ له‌و ناوچه‌.

 

جى باسه‌، وه‌ گووره‌ى سه‌رچه‌وه‌يگ ئه‌منى، ئه‌و خيزانه‌يليشه‌ ك كه‌فاله‌ت كريانه‌ له‌لايه‌ن كه‌سه‌يل تر، ده‌رنه‌كريانه‌و ته‌نيا ئه‌وانه‌ ده‌ركرياتنه‌ له‌ دوڕيان ناوچه‌ى ئه‌لحه‌زه‌ر بوينه‌ وه‌ره‌و بازگه‌ى عه‌قره‌ب ك خاڵيگ وشكاننه‌ له‌بان ڕى په‌وه‌يس ناونى به‌غدا و نه‌ينه‌وا.