هــــه‌واڵ عــیراق
سنيه‌يل جموجويل وه‌ره‌و پۆست سه‌رۆكايه‌تى عراق ئه‌كه‌ن ‌

سنيه‌يل جموجويل وه‌ره‌و پۆست سه‌رۆكايه‌تى عراق ئه‌كه‌ن  ‌


شه‌فه‌ق نيوز/ راپۆرته‌يل عه‌ره‌بى باس له‌وه‌ كردن ك سه‌ركردايه‌تيه‌يل سياسى سنى له‌ عراق هانه‌ هووڵ ده‌سوه‌پيكردن جموجويل ئه‌را وه‌ده‌سهاوردن پۆست سه‌رۆك كۆمار.

 

له‌ى باوه‌ته‌و، ماڵپه‌ڕ "عه‌ره‌بى 21" ئه‌وه‌ ده‌رخست ك ديارترين سه‌ركرده‌يل سنى له‌ عراق وه‌ى نزيكه‌يله‌ ده‌س ئه‌كه‌نه‌ گه‌شته‌يل گفتگوو وه‌ل فراكسيۆنه‌يل سياسى كورد و شيعه‌ ئه‌را وه‌ده‌سهاوردن پۆست سه‌رۆك كۆمار و وازهاوردن له‌ پۆست سه‌رۆكايه‌تى په‌رله‌مان.

 

جى باسه‌، ماڵپه‌ڕ ناوبرياێ باس له‌وه‌يش كرد ك رينماى تازه‌ له‌لاى سه‌ركرده‌يل سنى ئه‌وه‌سه‌ هه‌وڵ ئه‌وه‌ ئه‌يه‌ن پۆست سه‌رۆكايه‌تى كۆمار بارنه‌ ده‌س وه‌ ئه‌وه‌گ ده‌سڵاتيگ   جيوه‌جيكاره‌ وه‌ گووره‌ى ده‌ستوور عراقى، وه‌لێ سه‌ڵاحيه‌ته‌يلى هه‌وه‌جه‌ وه‌ ياسا له‌ په‌رله‌مانه‌و ديرێد. يه‌يش له‌ وه‌ختيگ راپۆرته‌يل له‌ زووان سه‌رچه‌وه‌يله‌و ئاماژه‌ وه‌ ئه‌وه‌يش كردن ك ديارترين كه‌سايه‌تيه‌يل كانديدكرياێ ئه‌را ئى پۆسته‌ پيكهاتنه‌ له‌: سه‌ليم جبورى، ئوسامه‌ نوجێفى، خه‌ميس ئه‌لخه‌نجه‌ر، ئه‌ياد سامه‌ڕائى، جه‌مال ئه‌لكه‌ربولى.