هــــه‌واڵ عــیراق
عبادى خوازیاره‌ كومپانیایه‌یل فره‌نسى به‌شدارى وه‌به‌رهاوردن بكه‌ن له‌ عراق

عبادى خوازیاره‌ كومپانیایه‌یل فره‌نسى به‌شدارى وه‌به‌رهاوردن بكه‌ن له‌ عراق


شه‌فه‌ق نیوز/ ئیمانویل ماكرۆن سه‌رۆك فره‌نسى جه‌خت له‌ پابه‌ندى وه‌رده‌وامى وڵاته‌گه‌ى كرد له‌ پشتگیریكردن عراق له‌ مه‌سه‌له‌ى له‌ناوبردن ترۆر و له‌لایه‌ن خوه‌ییشه‌و حه‌یده‌ر عبادى داوا له‌ كومپانیایه‌یل فره‌نسى كرد به‌شدارى له‌ ده‌رفه‌ته‌یل وه‌به‌رهاوردن گه‌ورا بكه‌ن له‌ عراق.

 

له‌ى باوه‌ته‌و، نویسینگه‌ى عبادى له‌ به‌یاننامه‌یگ وت: حه‌یده‌ر عبادى سه‌رۆك وه‌زیره‌یل په‌یوه‌ندییگ ته‌له‌فۆنى له‌ ئیمانویل ماكرۆن سه‌رۆك فره‌نسىى وه‌پى ره‌سیه‌و مباره‌كبایى له‌ عبادى كردگه‌ وه‌ بوونه‌ى سه‌ركه‌فتن گه‌ورا له‌بان ریخریاگ ترۆریستى داعش و ئازادكردن موسل.

 

جى باسه‌، به‌یاننامه‌گه‌ هه‌میش وت: عبادى سپاسگوزارى له‌ پشتگیرى ئاسمانى فره‌نسى كردگه‌ له‌ هاوكاریكردن هیزه‌یل عراقى و له‌ بواره‌یل مه‌شقكردنیش و پشتگیرى لۆجیستى و داوایش له‌ كومپانیایه‌یل فره‌نسى كردگه‌ به‌شدارى وه‌به‌رهاوردن بكه‌ن له‌ عراق.