هــــه‌واڵ كــوردى
بارزانى له‌وه‌ر لاوردن گه‌مارۆ له‌بان ته‌ياره‌خانه‌يل سوپاسگوزارى له‌ عبادى كرد

بارزانى له‌وه‌ر لاوردن گه‌مارۆ له‌بان ته‌ياره‌خانه‌يل سوپاسگوزارى له‌ عبادى كرد


شه‌فه‌ق نيوز/ نێچيروان بارزانى سه‌رۆك وه‌زيره‌يل هه‌رێم كوردستان، سوپاسگوزارى له‌ حه‌يده‌ر عبادى سه‌رۆك حكومه‌ت ناوه‌ندى كرد له‌باره‌ى لاوردن گه‌مارۆ گه‌شته‌يل ئاسمانى ناوده‌وڵه‌تى له‌بان ته‌ياره‌خانه‌يل هه‌ولێر و سلێمانى.

 

بارزانى له‌ كۆنگره‌يگ رووژنامه‌گه‌رى له‌ هه‌ولير وت: ريژدار عبادى له‌ ديدارى وه‌ل وه‌رپرسه‌يل و ئه‌فسه‌ره‌يل هه‌ردوگ وزاره‌ته‌يل ناوخوه‌يى له‌ هه‌رێم و به‌غدا ئاشكراى لاوردن گه‌مارۆ گه‌شته‌يل ناوده‌وڵه‌تى ته‌ياره‌خانه‌يل كوردستان كرد و حكومه‌ت هه‌رێم كوردستانيش خوه‌شاڵه‌ وه‌ى گامه‌ ك ريڕه‌و ئه‌گرێد و ئوميده‌واريم باقى ناكووكيه‌يليش له‌ناونى به‌غداو هه‌ولێر وه‌ گووره‌ى ده‌ستوور هه‌ميشه‌يى چاره‌سه‌ر بكريه‌ێد.

 

جى باسه‌، بارزانى هه‌ميش وت: لاوردن گه‌مارۆ له‌بان ته‌ياره‌خانه‌يل ناوه‌ڕووك گفتگووه‌يل به‌رهه‌مدار بويه‌ له‌ناونى خوه‌م و ريزدار عبادى و بڕيار وازكردن ته‌ياره‌خانه‌يل هه‌رێم كوردستانيش له‌ ياداشيگ بويه‌ ك له‌ناونى هه‌ولێر و به‌غدا ئمزا كرياگه‌.