هــــه‌واڵ كــوردى
له‌ ئاكام ته‌قينه‌وه‌يگ له‌ دهۆك سێ كه‌س كوشيان و زه‌خمدار بوين

له‌ ئاكام ته‌قينه‌وه‌يگ له‌ دهۆك سێ كه‌س كوشيان و زه‌خمدار بوين


شه‌فه‌ق نيوز/ سه‌رچه‌وه‌يگ وه‌رپرس ناوچه‌يى باس له‌وه‌ كرد ك كه‌سيگ كوشياگه‌و دووانيش زه‌خمدار بوينه‌ له‌ئاكام ته‌قينه‌وه‌ێ بۆمبيگ له‌ به‌رزايه‌يل ناوچه‌ى "بروارى ژويه‌ر" شان وه‌شان مه‌رزه‌يل توركى له‌ پاريزگاى دهۆك.

 

ئه‌و وه‌رپرس ناوچه‌ييه‌ ئه‌را شه‌فه‌ق نيوز وت: سێ كه‌س له‌وه‌خت ده‌رچينيان ئه‌را به‌رزايه‌يل بروارى بۆمبيگ ته‌قيه‌سه‌ پيان و يه‌كيگ له‌ليان كوشتگه‌و ئه‌و دووانه‌گه‌يش زه‌خمدار كردگه‌.

 

سه‌رچه‌وه‌گه‌ يه‌يش ده‌رخست كه‌سه‌ كوشيايه‌گه‌ ناوى مه‌جيد سلێمان و ته‌مه‌نى 30 ساڵه‌، ئاماژه‌ وه‌يه‌يش كرد ك زانيارى له‌بان ئه‌وه‌ نه‌يرێد ئه‌و بۆمبه‌ له‌وه‌خت بوردمانه‌يل توركى كه‌فتگه‌ يا پاشمه‌نده‌ى سه‌ربازى پارت ديموكرات كوردستان بويه‌.