هــــه‌واڵ عــیراق
ساڵح: له‌ رووژه‌يل سه‌خت وه‌ل ئيران وسيه‌يم و كاريگه‌رێ له‌ گه‌مارۆ ئه‌مريكى ئه‌كه‌يم

ساڵح: له‌ رووژه‌يل سه‌خت وه‌ل ئيران وسيه‌يم و كاريگه‌رێ له‌ گه‌مارۆ ئه‌مريكى ئه‌كه‌يم


شه‌فه‌ق نيوز/ به‌رهه‌م ساڵح سه‌رۆك كۆمار جه‌خت له‌وه‌ كرد عراق شان وه‌شان ئيران وسيه‌ێد له‌ رووژه‌يل سه‌خت جوور ئه‌وه‌گ وه‌ل عراق وسيا له‌ رووژه‌يل سه‌ختى وه‌تايبه‌ت له‌ روێ وه‌ڕوێ بوينه‌وه‌ى ريكخرياگ تيرۆريستى داعش.

 

به‌رهه‌م ساڵح له‌ لێدوانيگ ئه‌را شماره‌يگ له‌ رووژنامه‌نويسه‌يل له‌ ميديايه‌يل ئيرانى، ئه‌وه‌ ده‌رخست ك عراق نادێده‌ به‌شيگ له‌ سيسته‌م گه‌مارۆى يه‌كلايه‌نى ئه‌مريكى دژ ئيران و باس له‌وه‌يش كرد وت: كاريگه‌رێ ئه‌كه‌يم له‌بان رێ وشوونه‌يل ئه‌و گه‌مارۆ، وه‌لێ خوه‌مان ناكه‌يمنه‌ به‌شيگ له‌لێ.

 

سه‌رۆك كۆمار هه‌ميش وت: عراق گشت هه‌وڵيگ ئه‌ياد ئه‌را كه‌مه‌وكردن ئه‌و زه‌ره‌ده‌يله‌ ك ئه‌ياده‌ تويش ملله‌ت ئيران و باس له‌وه‌يش كرد عراق و ناوچه‌گه‌ كاريگه‌رى له‌و گه‌مارۆ ديرن، وه‌لێ هه‌وڵ كه‌مه‌وكردنى ئه‌يه‌يم له‌بان ئيران.