هــــه‌واڵ كــوردى
بارزانى: وه‌گشت رێكاريگ كۆمسيۆن رازييم ته‌نيا هه‌ڵوه‌شاننه‌وه‌ى دو چشت نه‌دێ

بارزانى: وه‌گشت رێكاريگ كۆمسيۆن رازييم ته‌نيا هه‌ڵوه‌شاننه‌وه‌ى دو چشت نه‌دێ


شه‌فه‌ق نيوز/ مه‌سعود بارزانى سه‌رۆك پارت ديموكرات كوردسان، جه‌خت له‌بان ره‌زامه‌نى خوه‌ى كرد ئه‌را هه‌ر رێكاريگ له‌باره‌ى پرووسه‌ى هه‌ڵوژاردن، ته‌نيا هه‌ڵوه‌شاننه‌وه‌ى ده‌نگه‌يل پێشمه‌رگه‌ و كووچبه‌ره‌يل ئێزێدى نه‌دێ.

 

بارزانى له‌ وه‌خت پيشوازيكردنى له‌ دوكلاس سيليمان باڵوێز ئه‌مريكى له‌ عراق و شانده‌ ياوه‌ره‌گه‌ى ئه‌وه‌ ده‌رخست ك تێبينى فريه‌يگ ديرن له‌بان ئه‌داى كۆمسيۆن و وه‌ريه‌وبردن پرووسه‌ى هه‌ڵوژاردن و ده‌سكارى ئه‌نجامه‌يل و ساخته‌كاريه‌يل، ئه‌وه‌يش خسته‌ڕوێ ك پارتى هويچ نوێنه‌ريگ له‌ كۆمسيۆن هه‌ڵوژاردنه‌يل عراق ته‌يرێج و هه‌ر وه‌ ئه‌نقه‌زيش شماره‌يگ فريه‌ى ده‌نگ پارتى سزاننه‌ وه‌تايبه‌ت ده‌نگ كه‌مپه‌يل و ده‌نگ كووچبه‌ره‌يل ئێزيدى و ئامانجيش له‌ سزانن ئه‌و ده‌نگه‌يله‌ ئه‌وه‌ بويه‌ كه‌ ريگرى بكريه‌ێد له‌وه‌گ پارت ديموكرات كوردستان له‌ پاريزگاى نه‌ينه‌وا ده‌نگ يه‌كه‌م بدێ ك له‌ڕاسى ده‌نگ يه‌كه‌مه‌.

 

لاى خوه‌ييشه‌و، باڵۆێز ئەمریكا لە عراق پیروزبایی سەركەفتن لیست پارت دیموكرات كوردستان لە بارزانی كرد و جەختیش لە ڕۆڵ بارزانی و هەرێم كوردستان كرد لە پڕۆسەی سیاسی و قۆناغ دويای هەڵوژاردن و يه‌يش خسته‌ڕوێ ك وڵاتەگەی خوازیار ئەوەسە هەرێم كوردستان وەهێز بدێ و ڕۆڵ كاریگەر داشتوود لە پرووسەی سیاسی عراق.