هــــه‌واڵ عــیراق
عراق شيواز ده‌سگيركردن سه‌ركرده‌يليگ له‌ داعش ئاشكرا كرد

عراق شيواز ده‌سگيركردن سه‌ركرده‌يليگ له‌ داعش ئاشكرا كرد


شه‌فه‌ق نيوز/ ناوه‌ندى ره‌سانن نيشتمانى، ئاشكراى شيوازه‌يل ده‌سگيركردن ئه‌و سه‌ركرده‌يل باڵاى ريكخرياگ ترۆريستى داعشه‌ كرد ك زويتر دۆناڵد ترامپ ئاماژه‌ وه‌پيان كرد.

 

ناوه‌ند ره‌سانن له‌ به‌ياننامه‌يگ ك شه‌فه‌ق نيوز ئاگادارى بوى، وت: وه‌ فه‌رمان و سه‌رپه‌رشى حه‌يده‌ر عه‌بادى سه‌ركرده‌ى گشتى هيزه‌يل چه‌كدار و وه‌هه‌وڵ گه‌ورايگ له‌لايه‌ن ده‌زگاى هه‌واڵگرى نيشتمانى عيراقى و وه‌رێككه‌فتن وه‌ل سه‌ركردايه‌تى فه‌رمانده‌يى هاوبه‌ش، كرده‌وه‌يگ نموونه‌يى جيوه‌جىى كريا و بويه‌ هووكار ده‌سگيركردن سه‌ركرده‌يليگ گرنگ له‌ داعش له‌وانه‌گ به‌شدارى كرده‌وه‌يل تيرۆريستى كردنه‌ له‌ ئه‌نبار و موسڵ.

 

به‌ياننامه‌گه‌ هه‌ميش وت: ئه‌و سه‌ركرده‌يل تيرۆريستى داعش له‌ناو خاكه‌يل سوورى ده‌سگير كريانه‌ له‌ ناوچه‌ى مه‌رزى وه‌ل مه‌رزه‌يل عراقى و دوياى په‌يجوريكردن وه‌لياناو وه‌رگرتن زانيارى له‌ليان په‌لاماره‌يل ئاسمانى گرده‌وبوينيگ داش گرته‌ ئامانج و نزيكه‌ى 40 سه‌ركرده‌ى ئه‌و ريكخرياگه‌ كوشت.