هــــه‌واڵ عــیراق
رووژنامه‌يگ پيشبينى زه‌ره‌د مالكى و سه‌ركه‌فتن عامرى و عه‌بادى ئه‌كا

رووژنامه‌يگ پيشبينى زه‌ره‌د مالكى و سه‌ركه‌فتن عامرى و عه‌بادى ئه‌كا


شه‌فه‌ق نيوز/ رووژنامه‌ى "ئه‌لعه‌ره‌ب" له‌نده‌نى له‌ ژماره‌ى ئمڕووى باس له‌وه‌ كردگه‌ هه‌ڵوژاردنه‌يل گشتى عراقى ك شه‌ممه‌ى ئاينده‌ ئه‌نجام ئه‌گرێد بارودخيگ ئه‌گرێده‌ خوه‌ێ ك له‌ ئه‌زموونه‌يل تر وه‌رين نه‌ويه‌ له‌ساڵ 2005 تائيسه‌.

 

رووژنامه‌گه‌ وت: له‌يوا دياره‌ ئئتلاف ده‌وڵه‌ت ياسا وه‌ سه‌رۆكايه‌تى نورى مالكى زه‌ره‌دمه‌ن گه‌ورايگ بدێ له‌ هه‌ڵوژاردنه‌يل 2018 و چه‌وه‌ڕێ ئه‌وه‌ ئه‌كريه‌ێد به‌ش فريه‌يگ له‌ كورسيه‌يلێ له‌ده‌س بيه‌ێد.

 

رووژنامه‌گه‌ ئاماژه‌ وه‌يه‌يش كردگه‌ هادى عامرى و ريكخرياگ به‌در ك سه‌ركردايه‌تيى ئه‌كا و حه‌يده‌ر عه‌بادى سه‌رۆك ئيسه‌ى وه‌زيره‌يل و قه‌يس خه‌زعه‌لى سه‌ركرده‌ى بزووتنه‌وه‌ى عه‌سايب ئه‌هل هه‌ق و موقته‌دا سه‌در سه‌ركرده‌ى ره‌وت سه‌درى سه‌ركه‌فتن زياتر وه‌ده‌س بارن.

 

جى باسه‌، چاوديره‌يليش ئه‌وه‌ ده‌رخستنه‌ ك عه‌بادى هووكار بدێ ئه‌را ئه‌وه‌گ مالكى زه‌ره‌د گه‌ورايگ بكا، ئه‌ويش وه‌ بردن نزيكه‌ى 50 له‌ كورسيه‌يلێ ك شماره‌يان110 كورسيه‌ و عامرى نزيكه‌ى 40 كورسى بووه‌ێد، ك دوياخريش مالكى ئه‌كه‌فێده‌ وه‌ر زه‌ره‌د گه‌ورايگ وه‌ ئه‌وه‌گ خاوه‌ن ليست گه‌ورا بويه‌ له‌ناو شيعه‌ له‌ ماوه‌ى هه‌ڵوژاردنه‌يل 2010 و2014.