هــــه‌واڵ عــیراق
ئامێره‌يل و سه‌ندووقه‌يل ده‌نگداين كه‌ركوك ئه‌را به‌غدا جيواز ئه‌كريه‌ن

ئامێره‌يل و سه‌ندووقه‌يل ده‌نگداين كه‌ركوك ئه‌را به‌غدا جيواز ئه‌كريه‌ن


شه‌فه‌ق نيوز/ معه‌ن ئه‌لسه‌عدى سه‌ركرده‌ى پلان چه‌سپانن ياسا له‌ پاريزگاى كه‌ركوك، ئاشكراى ئه‌وه‌ كرد ك پرووسه‌ى جيوازكردن ئامێره‌يل ئه‌لكترۆنى و سه‌ندووقه‌يل ده‌نگداين په‌يوه‌س وه‌ هه‌ڵوژاردنه‌يل له‌رێ ته‌ياره‌وه‌ جيواز ئه‌كريه‌ن ئه‌را به‌غدا.

 

ئه‌لسه‌عدى ئه‌را شه‌فه‌ق نيوز وت: گشت سه‌ندووقه‌يل ده‌نگداين په‌پوه‌س وه‌ داقووق و گشت رام فلاشه‌يل له‌ ئامێره‌يل ده‌نگداين تايبه‌ت وه‌ پاريزگاى كه‌ركوك جيواز ئه‌كريه‌ن ئه‌را به‌غدا وه‌ ياوه‌رێ نوێنه‌ره‌يل هه‌ر يه‌ك له‌و حزبه‌يله‌ ك به‌شدارى كردنه‌ له‌ هه‌ڵوژاردنه‌يل كه‌ركوك.

 

ناوبرياگ هه‌ميش وت: ئه‌و سه‌ندووقه‌يل و ئامێره‌يله‌ جيواز ئه‌كريه‌ن ئه‌را ناوه‌ند دقه‌تكردن سه‌ر وه‌ كۆمسيۆن باڵاى سه‌روه‌خوه‌ى هه‌ڵوژاردنه‌يل له‌ به‌غداى پايته‌خت.